काठमाडौं– भोटेकोशी र त्रिशूली नदी तथा रसुवा र नुवाकोटका स–साना नदीमा बहाव उल्लेख्य बढ्ने र आकस्मिक बाढीको उच्च सम्भावना रहेको नेपाल बाढी सूचना केन्द्रले जनाएको छ।
भोटेकोशीमा यसअघि आएको बाढीपछि हाल नदीको बहाव सतर्कता तहभन्दा तल रहे पनि उच्च सतर्कता अपनाउनुपर्ने जनाइएको छ।
भदौ १० गते रसुवाको भोटेकोशीमा बाढी आएको थियो। त्यसपछि हाल भोटेकोशी र त्रिशूली नदीको बहाव सतर्कता तहभन्दा तल रहे पनि जोखिम कायमै रहेको बाढी सूचनामा उल्लेख छ।
शनिबार बिहानको मापनअनुसार कोशी, नारायणी, बागमती, कर्णाली र महाकाली नदी तथा तिनका सहायक नदीहरूको बहाव सतर्कता तहभन्दा तल रहेको छ। कन्काई, कमला, बबई, पूर्वी राप्ती र पश्चिम राप्ती नदीको बहाव पनि सतर्कता तहभन्दा तल रहेको जनाइएको छ।
यसैबीच ताप्लेजुङ, पाँचथर, तेह्रथुम, संखुवासभा, खोटाङ, इलाम, धनकुटा, सोलुखुम्बु, दोलखा, रामेछाप, सिन्धुली, काभ्रेपलाञ्चोक, ललितपुर, भक्तपुर, काठमाडौं, सिन्धुपाल्चोक, धादिङ, मकवानपुर, चितवन, नवलपरासी पूर्व, नवलपरासी पश्चिम, गोरखा, पाल्पा, तनहुँ, लमजुङ, कास्की, स्याङ्जा, पर्वत, म्याग्दी, बागलुङ, रुकुम पूर्व, रुकुम पश्चिम, जाजरकोट, सुर्खेत, दैलेख, अछाम, कालिकोट, जुम्ला, मुगु, हुम्ला, बाजुरा, बझाङ, दार्चुला, बैतडी, डोटी, डडेल्धुरा र कञ्चनपुर तथा आसपासका जिल्लामा बहने स–साना नदीमा बहाव उल्लेख्य बढ्ने पूर्वानुमान गरिएको छ।
ती जिल्लाका स-साना नदीमा आकस्मिक बाढीको मध्यम जोखिम रहेको केन्द्रले जनाएको छ। यस्तै, रसुवा र नुवाकोट हुँदै बहने भोटेकोशी, त्रिशूली तथा स-साना नदीमा बहाव उल्लेख्य बढ्ने र आकस्मिक बाढीको उच्च सम्भावना रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790816682.webp)
-1786602170.png)
