रसुवा- मंसिरमा हुने प्रतिनिधिसभा र प्रदेशसभा निर्वाचनका लागि रसुवामा मुख्य निर्वाचन अधिकृतको कार्यालय स्थापना गरिएको छ।
जिल्ला प्राविधिक कार्यालयको भवनमा कार्यालय स्थापना गरिएको हो। कार्यालयको जिल्ला न्यायाधीश एवं मुख्य निर्वाचन अधिकृत पुनाराम खनालले उद्घाटन गरे।
कार्यालय स्थापनासँगै निर्वाचन सम्बन्धी काम सुरु भएको अधिकृत खनालले बताए।
मंसिर १० गते हुने निर्वाचन स्वच्छ, निष्पक्ष र धाँधलीरहित सम्पन्न गर्न आफूहरु तयार रहेको उनको भनाइ छ। 'निर्वाचन सम्पन्न गर्नका लागि सबै पक्षबाट उत्तिकै अपेक्षा राखेको छु,' उनले भने।
उद्घाटन समारोहमा सहायक प्रमुख जिल्ला अधिकारी स्मिता पौडेल, जिल्ला समन्वय समिति रसुवाका सभापति कुलप्रसाद भट्ट, प्रहरी नायब उपरिक्षक शरत कुमार थापा क्षेत्री, सशस्त्र प्रहरीका प्रमुख प्रकाश वाग्ले लगायत सहभागी थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769166231.png)
-1769158577.png)
-1769161919.png)
-1764146706.png)
