काठमाडौं– रसुवा भोटेकोशी बाढीबाट घाइते भएका दम्पत्तिलाई उपचारपछि मानव सेवा आश्रम लगिएको छ । सिमा भन्सार क्षेत्रमा मजदुरी गर्ने ४३ वर्षीया श्रीमती र ५० वर्षीय श्रीमानलाई काठमाडौं महानगरपालिकाले आइतबार आश्रम पठाएको हो ।
उनीहरूको स्थायी बसोबास बाँके कोहलपुर हो । बाढीमा परेपछि उद्धार गरेर श्रीमानलाई भदौ ११ गते दिउँसो र श्रीमतिलाई १२ गते साँझ अस्पताल ल्याइएको थियो । दुवै जना घाइते थिए। तर, भित्री चोट थिएन । उपचारपछि उनीहरू आज बिहान डिस्चार्ज भएको महानगरपालिकाले जनाएको छ।
डिस्चार्जपछि उनीहरूसँग घर फर्किने पैसा नभएको र श्रीमतिलाई पेटको समस्या सुधार गर्न केही दिन आराम आवश्यक भएकोले एम्बुलेन्समा राखेर मानव सेवा आश्रम लगिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
