मकवानपुर– मकवानपुरको हेटौँडा उपमहानगरपालिका–१५ पिपलबोटस्थित महेन्द्र राजमार्गमा ईभी माइक्रो र सुमो एकआपसमा ठोक्किँदा ११ जना घाइते भएका छन्।
आइतबार दिउँसो करिब १२:३० बजे काठमाडौंबाट वीरगन्जतर्फ जाँदै गरेको बा.प्र.०६-००१ ज. ०६९७ नं. को ईभी माइक्रो र विपरीत दिशाबाट आउँदै गरेको ना.१ ज. ५८७३ नं. सुमो एकआपसमा ठोक्किँदा दुर्घटना भएको हो।
दुर्घटनामा सुमो चालकसहित सुमोमा सवार ६ जना तथा माइक्रो चालकसहित माइक्रोमा सवार ४ जना घाइते भएका प्रहरीले जनाएको छ। घाइतेमध्ये एक जनाको अवस्था मध्यम रहे पनि अन्य सबैको अवस्था सामान्य रहेको बताइएको छ।
घाइते सबैलाई उपचारका लागि हेटौँडा अस्पताल लगिएको छ। उनीहरूको सोही अस्पतालमा उपचार भइरहेको छ।
दुर्घटनामा घाइते हुनेमा पर्सा, गोरखा, रौतहट र सर्लाहीका यात्रु तथा दुवै सवारीसाधनका चालक रहेका छन्। घाइतेमध्ये एक जना दुई वर्ष ६ महिनाका बालकसमेत रहेका छन्। दुर्घटनाबारे थप अनुसन्धान भइरहेको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
