काठमाडौं- साफ यू–१५ च्याम्पियनसिप फुटबलमा नेपालले आज माल्दिभ्ससँग खेल्दै प्रतियोगिताको सुरुवात गर्दैछ।
_x000D_
_x000D_
अखिल नेपाल फुटबल संघ (एन्फा) मैदान सातदोबाटोमा सुरु हुने प्रतियोगितामा नेपाल, भारत, पाकिस्तान, भुटान, माल्दिभ्स र बंगलादेशले सहभागिता जनाउँदैछन्। प्रतियोगिताका सबै खेल एन्फा मैदान सातदोबाटोमै हुनेछन्।
_x000D_
_x000D_
नेपाल र माल्दिभ्सबीचको खेल दिउँसो ३ बजे सुरु हुनेछ।
_x000D_
_x000D_
नेपाली टोलीका प्रशिक्षक सनोज श्रेष्ठले नेपालले घरेलु मैदानमा उपाधिका लागि प्रतिस्पर्धा गर्ने बताए। 'तयारी राम्रै भइरहेको छ, एन्फा एकेडेमीका खेलाडी र खुल्ला छनोटबाट आएको खेलाडी राम्रो लयमा छन्,' उनले भने, 'यस पटक हाम्रो टोली साफ च्याम्पियनको उपाधिका लागि खेल्छ।'
_x000D_
_x000D_
आजै हुने पहिलो खेलमा सोही मैदानमा भारत र पाकिस्तानले प्रतिस्पर्धा गर्नेछन्।
_x000D_
_x000D_
प्रतियोगिताको समूह ‘ए’मा नेपाल, बंगलादेश र माल्दिभ्स तथा समूह ‘बी’मा भारत, भुटान र पाकिस्तान छन्। श्रीलङ्काले प्रतियोगितामा सहभागी छैन।
_x000D_
_x000D_
सन् २०१३ बाट आयोजना हुँदै आएको प्रतियोगितामा नेपाली टोली अहिलेसम्म उपविजेतामै सीमित हुँदै आएको छ। सन् २०१७ मा नेपालमै भएको प्रतियोगितामा नेपाल उपविजेतामा सीमित बनेको थियो।
_x000D_
_x000D_
प्रतियोगिताको चारै संस्करण खेलेको नेपाल दुई पटक फाइनलमा हारेको थियो। यसअघि भएका तीन संस्करणमध्ये भारतले सन् २०१३ र १७ तथा बङ्गलादेशले सन् २०१५ मा उपाधि जितेको थियो।
_x000D_
_x000D_
प्रतियोगिता कात्तिक १७ गतेसम्म चल्नेछ। प्रतियोगिताअन्तर्गत नेपालले दोस्रो खेल बंगलादेशसँग शनिबार खेल्नेछ।
_x000D_
_x000D_
नेपाली टोलीमा कोको?
_x000D_
गोलकिपर रोशन नेपाल, रोहन मगर, विनय श्रेष्ठ, डिफेन्डरमा जान लिम्बू, निवास फुयाल, प्रमेश गुरुङ, रोशन थापा, श्रीजन दानी, रोजित परियार, सुशील अधिकारी, मिडफिल्डरमा प्रदीप लम्साल, मनाग्य नकर्मी, दिपेश गुरुङ, प्रवीन मगर, राकेश विक, शशांक बोहरा, निराजन मल्ल, धीरज बलायर र स्ट्राइकरमा नमास थापा, सोनम गुरुङ, रोहित शुब्बा, दिपेश राई।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
