काठमाडौं– जुवा खालको पैसा खाएको आरोपमा महानगरीय प्रहरी परिसर काठमाडौंले म्हेपी अस्थायी प्रहरी बिटका इन्चार्ज प्रहरी सहायक निरीक्षक (असई) बिचित्र थापा मगरलाई नियन्त्रणमा लिएको छ।
_x000D_
_x000D_
असई थापा मगरको टोलीले गत सोमबार राति म्हेपीको एक घरमा जुवाखालमा छापा मारेको थियो। सो क्रममा असई थापा मगरले आफूहरुको ३ लाख ५० हजार रुपैयाँ भन्दा बढी रकम लगेको जुवाडेहरुले बताएका छन्।
_x000D_
_x000D_
रकम लिएको आरोप लागेपछि सोधपुछका लागि मंगलबार राति उनलाई नियन्त्रणमा लिएको महानगरीय प्रहरी परिसर काठमाडौंका एसएसपी वसन्त लामाले जानकारी दिए।
_x000D_
_x000D_
असई थापाले भने आफू जुवा खालमा नै नगएको दाबी गरेका छन्। उनीसँग जुवा खालमा गएका एक जना जवानले असई जुवाखाल भित्र छिरेको र आफू चाहिं घर बाहिरै बसेकाले रकम लिएको नलिएकोबारे जानकारी नभएको बताएका छन्। रकम लिएको पाइए उनीहरुले विभागीय कारबाही हुने प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749200817.png)
