आन्द्राको क्यान्सर (कोलोरेक्टल क्यान्सर) को जोखिम बढाउन मुख्यतया प्रशोधित मासु, रातो मासु, अत्यधिक मद्यपान, र कम फाइबरयुक्त खानेकुराहरू जिम्मेवार मानिन्छन्।
पेट, कलेजो, तथा पाचन प्रणाली रोग विशेषज्ञ डा मुकेश शर्मा पौडेलका अनुसार हाम्रो गलत खानपान र जीवनशैलीका कारण ठूलो आन्द्राको भित्री भागमा कोषिका अनियन्त्रित रूपमा वृद्धि भई क्यान्सरको रूप लिने गर्दछ।
आन्द्राको स्वास्थ्यलाई हानि पुर्याउने र क्यान्सरको खतरा बढाउने प्रमुख खानेकुरा र बानीहरू यस प्रकार छन्
१ प्रशोधित र रातो मासु
प्रशोधित मासु ससेज, सलामी, हटडग, र बट्टामा राखिएका मासुहरू लामो समयसम्म टिकाइराख्न रसायनहरू मिसाइन्छ। यस्ता तत्वले आन्द्राको भित्री तहलाई क्षति पुर्याउँछन्।
रातो मासु
राँगा, खसी, वा बंगुरको रातो मासु अत्यधिक मात्रामा सेवन गर्दा आन्द्राको क्यान्सरको जोखिम उच्च रहन्छ।
पोलेको वा डढेको मासु
कोइला वा सीधा आगोमा धेरै पोलेको (सेकुवा, ताश) मासुमा क्यान्सर गराउने हानिकारक रसायन उत्पन्न हुन्छन्।
२ प्रशोधित र पत्रु खाना
मैदाजन्य परिकार
मैदाबाट बनेका चाउचाउ, बिस्कुट, सेतो पाउरोटी जस्ता खाजाले पाचन प्रक्रियालाई सुस्त बनाउँछन्।
अत्यधिक तारेको र भुटेको खाना
धेरै तेलमा तारिएका र बजारिया जंक फुडहरूले आन्द्रामा इन्फ्लेमेसन (सुजन) बढाउँछन्।
३ हानिकारक पेय पदार्थ र कुलत
अत्यधिक मद्यपान (रक्सी)
मद्यपानले शरीरमा विषाक्त पदार्थ पैदा गर्छ, जसले आन्द्राका कोषहरूलाई नष्ट गरी क्यान्सरको खतरा बढाउँछ।
चिनीयुक्त पेय पदार्थ
बट्टाका जुस र चिसो पेय -कोक, फ्यान्टा_ मा हुने अत्यधिक चिनीले मोटोपना बढाउँछ, जुन आन्द्राको क्यान्सरको अर्को प्रमुख कारण हो।
धूमपान र सुर्तीजन्य पदार्थ: चुरोट, खैनी, वा गुट्खाको सेवनले पाचन प्रणालीमा गम्भीर असर पुर्याउँछ।
४ कम फाइबर र विषादीयुक्त खाना
फाइबरको कमी
हरियो तरकारी, फलफूल र कम फाइबर भएका खानेकुरा मात्र खाँदा कब्जियतको समस्या हुन्छ, जसले गर्दा फोहोर पदार्थ लामो समय आन्द्रामा रहन गई क्यान्सरको जोखिम बढ्छ।
केमिकल र विषादी
पछिल्लो समयमा खाद्यान्न र तरकारीमा मिसाइने अत्यधिक विषादी र केमिकलका कारण पनि यो क्यान्सर तीव्र रूपमा बढिरहेको छ।
बच्ने उपायहरू
आफ्नो दैनिक खानामा फाइबरयुक्त खानेकुरा जस्तै हरियो सागसब्जी, फलफूल, र गेडागुडी समावेश गर्नुहोस्।
दिनमा ८ देखि १० गिलास पानी पिउने बानी बसाल्नुहोस्।
हप्तामा कम्तीमा १५० मिनेट व्यायाम वा शारीरिक श्रम गर्नुहोस्।
४५ वर्ष उमेर कटेपछि चिकित्सकको सल्लाहमा कोलोनोस्कोपी -ठूलो आन्द्राको जाँच_ गराउनुहोस्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
