कञ्चनपुर– कञ्चनपुरको शुक्लाफाँटा नगरपालिका वडा नं ४ को कार्यालयमा नगरस्तरीय दलित जनजाति संयुक्त संघर्ष समितिले एक साताअघि गरेको तालाबन्दी अाइतबार खोलिएको छ।
_x000D_
_x000D_
नगरपालिकाका नगर प्रमुख दीलबहादुर ऐर, वडा अध्यक्ष, सुरक्षा नियकायका प्रतिनिधि र संघर्ष समितिका पदाधिकारीबीच दुई बुँदे सहमतिपश्चात् ताला खोलिएको हो।राष्ट्रिय माध्यमिक विद्यालयमा रिक्त दरबन्दीमा शिक्षक सरुवाका विषयमा विवाद हुँदा दलित संघर्ष समितिले वडा कार्यालयमा तालाबन्दी गरेको थियो।
_x000D_
_x000D_
'शिक्षक सरुवाका लागि नगरपालिकाको कार्यपालिका र नगरशिक्षा समितिले कार्य अगाडि बढाउने र सहजरुपमा सेवा उपलबध गराउनका लागि ताला खोल्ने निर्णय गरेको छ', वडा अध्यक्ष ज्ञानबहादुर विष्टले भने।
_x000D_
_x000D_
'नपाका विषयगत कार्यालयमा संविधानमै व्यवस्था भएको समानुपातिक समावेशीताको कुरा लागू नभएपछि तालाबन्दी गरेका हौँ', संघर्ष समितिका सदस्य सिवी लुहारले भने। नगरपालिकाका नगर प्रमुखले समावेशीताको कुरा लागू गर्ने प्रतिबद्धता जनाएपछि तालाबन्दी खोलिएको उनले बताए।
_x000D_
_x000D_
छलफलपश्चात् वडा कार्यालयमा लगाइएको ताला संघर्ष समितिका अध्यक्ष गोविन्द नेपाली आफैँले तोडेका छन्। वडा नं ४ मा रहेको दलित शिक्षकको सरुवाको विषयलाई लिएर गत असोज २८ गते संघर्ष समितिले दोस्रो पटक तालाबन्दी गरेको हो। त्यसअघि लगाइएको ताला जनप्रतिनिधिको रोहवरमा तोडिएको थियो। रासस
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762752416.png)
