काठमाडौं– दसैंपछि राजधानीमा यातायात र मानिसको चहलपहल क्रमशः बढ्न थालेको छ।
_x000D_
_x000D_
दसैंको फूलपातीदेखि सुनसान बनेको काठमाडौं उपत्यकाबाट चाड मनाउन गएका मानिस फर्कन थालेका छन्। शनिबार एकैदिन १२ हजार ७ सय ८९ सवारीबाट १ लाख ७ हजार ३ सय ४८ यात्रु उपत्यका भित्रिएको महानगरीय ट्राफिक प्रहरी महाशाखाका सहायक प्रवक्ता दामोदर सिलवालले जानकारी दिए। अाइतबार रातिसम्म सो संख्या अझै बढ्नेछ।
_x000D_
_x000D_
यसैगरी ७ हजार ३ सय ४८ सवारीबाट ६० हजार ३ सय ६८ यात्रु उपत्यका बाहिर गएका छन्। विजयादशमी अघि उपत्यका बाहिरिने सवारीको संख्या धेरै थियो भने हाल भित्रिनेको संख्या बढी छ।
_x000D_
_x000D_
आजदेखि सरकारी कार्यालयसमेत सञ्चालनमा आएकाले यात्रुको आगमन क्रमशः बढ्दै जाने महाशाखाले जनाएको छ।
_x000D_
_x000D_
गत वर्षसम्म आश्विन शुक्ल द्वादशीका दिनसम्म सरकारी कार्यालय विदा हुने गरेकाेमा यस वर्ष सो विदा हटाइएको छ।
_x000D_
_x000D_
मानिसको चहलपहल बढेसँगै नवदुर्गाको प्रसादका रुपमा टीका जमरा थाप्न हिँड्नेको लाम पनि सडकमा देख्न सकिन्छ।
_x000D_
_x000D_
यही कात्तिक २ गते विजयादशमीका दिनदेखि सुरु भएको टीका, प्रसाद र जमरा ग्रहण आश्विन शुक्ल पूर्णिमाका दिन ६ कात्तिक गतेसम्म लगाउन सकिने नेपाल पञ्चाङ्ग निर्णायक समितिले जनाएको छ।
_x000D_
_x000D_
त्यसदिन अखिल बलि पूर्ति अर्थात् सबै बलि दिने काम सम्पन्न गरेपछि जमरा सेलाइन्छ।
_x000D_
_x000D_
यसैबीच चाडबाडको मौका छोपेर बढी भाडा असुल गर्ने ५ सय १५ भन्दा बढी सवारीलाई कारबाही गरिएको यातायात व्यवस्था विभागले जनाएको छ।
_x000D_
_x000D_
विभागले तोकेभन्दा दोब्बरसम्म भाडा लिएर पनि यात्रुलाई ठगेको पाइएको प्रवक्ता गोकर्णप्रसाद उपाध्यायले बताए।
_x000D_
_x000D_
दसैंमा उपत्यका बाहिर जाने यात्रुसँग बढी भाडा असुल गरिएको गुनासो आएपछि विभागले चारसमूह परिचालन गरेर नाकामा अनुगमन गरेको थियो। कारबाहीमा परेका सवारीलाई एक हजारदेखि ५ हजारसम्म जरिवाना गरिएको विभागले जनाएको छ। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762752416.png)
