भद्रपुर– छाडा कुकुरको टोकाइबाट मेचीनगर–१ का पाँच जना घाइते भएका छन्।
_x000D_
_x000D_
घाइते हुनेमा सिम्रन तामाङ, टेकबहादुर बोहोरा, खड्गप्रसाद सापकोटा, भूमिका प्रधान र बिनिता राई छन्। दसैंको टीका लगाउन बाटोमा हिँड्दै गरेका अवस्थामा उनीहरुलाई विगत तीन दिनयता अलगअलग ठाउँमा कुकुरले टोकेको हो। घाइतेमध्ये ८ वर्षीया सिम्रन तामाङको अवस्था गम्भीर छ। सिम्रनको गालामा कुकुरले टोकेको पशु प्राविधिक दीपक बरालले जानकारी दिए।
_x000D_
_x000D_
उनलाई उपचारका लागि धरानस्थित बिपी कोइराला स्वास्थ्य विज्ञान प्रतिष्ठानमा लगिएकाे थियाे। तर, उपचार हुन नसकेपछि थप उपचारका लागि काठमाडौं पठाइएको बरालले बताए।
_x000D_
_x000D_
अरु घाइते स्थानीय निजी स्वास्थ्य संस्थामा उपचारपछि घर फर्किएका छन्। स्थानीयवासी टेकबहादुर देवानका अनुसार रेविज लागेको आशंका गरिएका दुई छाडा केही दिनयता मेचीनगर–१ बाहुनडाँगीमा मानिस र पशुलाई टोक्दै आएका छन्।
_x000D_
_x000D_
मानिस र घरपालुवा पशुलाई टोकेर भाग्ने गरेका ती कुकुरलाई स्थानीयवासीले नियन्त्रणमा लिन सकेका छैनन्। स्थानीयवासीले गाउँमा छाडा कुकुरको संख्या बढेको भन्दै नियन्त्रणका लागि माग गरेका छन्। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762752416.png)
