काठमाडौँ– सरकारका प्रवक्ता सस्मित पोखरेलले राष्ट्रिय स्वतन्त्र पार्टीका सभापति रवि लामिछानेको भारत भ्रमणलाई प्रधानमन्त्रीसँग जोडेर व्याख्या गर्न नमिल्ने बताएका छन्।
सोमबार मन्त्रिपरिषद् बैठकपछि सञ्चारकर्मीसँग प्रतिक्रिया दिँदै उनले उक्त भ्रमण व्यक्तिगत प्रकृतिको भएको उल्लेख गरे। उनका अनुसार सभापति लामिछाने आफ्नै कार्यक्रमअनुसार भारत गएको र त्यसमा प्रधानमन्त्रीको कुनै संलग्नता नरहेको स्पष्ट पारे।
प्रवक्ता पोखरेलले प्रधानमन्त्री वालेन्द्र शाह हाल भारतसहित अन्य कुनै पनि मुलुकको भ्रमण तयारीमा नरहेको जानकारी दिए। उनले सरकारको ध्यान अहिले विदेश भ्रमणभन्दा प्रारम्भिक कार्यकालका प्राथमिकतामा केन्द्रित रहेको बताए।
सरकारले सुरुआती सय दिनभित्र सम्पन्न गरिने कार्ययोजनालाई प्राथमिकतामा राखेकाले प्रधानमन्त्रीको कार्यव्यस्तता आन्तरिक काममै केन्द्रित रहेको उनको भनाइ थियो।
उनले उपयुक्त समय आएमा प्रधानमन्त्रीले भारत मात्र नभई अन्य मुलुकको पनि भ्रमण गर्न सक्ने उल्लेख गर्दै हाल भने सरकार कामकाज र नीतिगत प्राथमिकतामा बढी केन्द्रित रहेको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775812183.jpg)
-1779545841.jpg)
