काठमाडौं– काठमाडौंको कीर्तिपुर नगरपालिका वडा नम्बर–१० स्थित पोडेटोलमा दिउँसै खुकुरी प्रहार गरेर हत्या गरेको घटनामा संलग्न व्यक्ति आपराधिक पृष्ठभूमिका रहेको पाइएको छ । बुधबार तीन जनाले खुकुरी प्रहार गर्दा गुल्मीको धुर्कोट गाउँपालिका घर भएका बिपिन घिमिरेको मृत्यु भएको थियो ।
जिल्ला प्रहरी परिसर काठमाडौंका एसपी पवन भट्टराईका अनुसार हत्यामा संलग्नमध्ये एक जना हिरासतबाट छुटेका युवकसमेत रहेका छन् । धारिलो हतियार प्रहारबाट घाइते भएका घिमिरेको उपचारको क्रममा देवढोकास्थित कीर्तिपुर अस्पताल मृत्यु भएको थियो ।
घटनामा स्थलमा सुरुमा ४ जना र पछि थप एक जना आएको दृश्य सिसिटिभीमा देखिन्छ । तर, हत्यामा ३ जना मात्रै संलग्न रहेको अनुसन्धानमा संलग्न अधिकृतले बताएका छन् ।
सोधपुछको लागी प्रहरीले ३ जना शङ्कितहरूलाई नियन्त्रणमा लिएको छ । घटनाको अनुसन्धानमा जिल्ला प्रहरी परिसर काठमाडौँ र उपत्यका अपराध अनुसन्धान कार्यालय र प्रहरी वृत्त कीर्तिपुरको टोली परिचालन गरिएको छ । प्रहरीका अनुसार उक्त घटनाको नेतृत्व महेन्द्रनगर घर भएका राज भन्ने राजेन्द्र विष्टले गरेका थिए । उनी फरार रहेका छन् । आरोपीहरू पहिले पनि मुद्दा चलेका युवाहरू संलग्न देखिएका छन् । मृतक र हत्यामा संलग्नहरू पूर्व परिचित हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
