काठमाडौँ । थापाथलीका सुकुमबासी नेता नारायण परियार (परिश्रमी) की श्रीमतीको नाममा काठमाडौंको शान्तिनगरमा सुविधासम्पन्न घर रहेको पाइएको छ ।
परियारकी श्रीमती शुभमाया परियार (कपाली) को नाममा शान्तिनगरस्थित जागृती टोलमा १६ कोठा भएको तीनतले घर रहेको पुष्टि भएको हो ।
शुभमायाले आफ्नै पसल शुभ नारायण स्टोर्स नाममा ऋण लिनको लागि उक्त विवरण प्रमाणित गर्दै नेपाल बैंक नयाँ बानेश्वर शाखालाई २०७७ साउनमा पत्र लेखेकी थिइन् ।
बैंकलाई लेखिएको उक्त स्वघोषणा पत्रमा शुभमायाले पर्ति जग्गामा लालपुर्जा नभएको घर भनी उल्लेख गरेकी छिन् । यसको मूल्य ८० लाख रुपैयाँ रहेको समेत उनको स्वघोषणा छ ।
उक्त घरमा नेपाल विद्युत प्राधिकरणबाट उनको आफ्नै नाममा बिजुलीको मिटर जडान भएको समेत उल्लेख छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
