काठमाडौं– साताको अन्तिम कारोबार दिन बिहीबार शेयरबजार परिसूचक नेप्से ६ अंकले बढेर बन्द भएको छ ।
अघिल्लो दिन १० अंकले बढेको नेप्से सूचक आज थप ६.०३ अंकले बढ्दै २ हजार ६५४.९३ अंकमा उक्लिएको हो ।
तथापि, आज कारोबार भने ४ अर्ब १७ करोड ४६ लाख रूपैयाँ बराबरको मात्र भएको नेपाल स्टक एक्सचेञ्च (नेप्से) ले जनाएको छ । अघिल्लो दिन १० अंकले सूचक बढेको बजारमा ४ अर्ब २३ करोड २४ लाख रूपैयाँ बराबरको कारोबार भएको थियो ।
आज बजारमा कुल ३३५ कम्पनीका १ करोड ५३ लाख कित्ता सेयर खरिदबिक्री भएका छन्। दिनभरको कारोबारबाट कुल ४ अर्ब १७ करोड ४६ लाख ३० हजार ५१५ रुपैयाँ बराबरको शेयर कारोबार भएको छ ।
आज कारोबार भएका कम्पनीहरूमध्ये १३७ कम्पनीको शेयर मूल्य बढेको छ भने ११८ कम्पनीको मूल्य घटेको छ। ७ कम्पनीको शेयर मूल्य भने स्थिर रहेको छ ।
आज सबैभन्दा धेरै कमाउनेमा सालपा विकास बैंक रहेको छ, जसको शेयर मूल्य ९.९९ प्रतिशतले बढेर प्रतिकित्ता ५८४.५० पुगेको छ । त्यस्तै, रिलायन्स स्पिनिङ मिलको मूल्य ९.२६ प्रतिशत र हिम स्टारको मूल्य ६ प्रतिशतले वृद्धि भएको छ ।
आज होटल तथा पर्यटन, म्यानु एण्ड प्रो, माइक्रोफाइनान्स र म्युचुअल फन्ड समूहको उपसूचक ऋणात्मक भएका छन् भने बाँकी ९ वटा उपसूचक धनात्मक भएका छन् ।
आज निर्जीवन बीमा समूहको उपसूचक १ प्रतिशतमाथिले बढेको छ भने अरु समूहको उपसूचक १ प्रतिशत कमले बढेका छन् । १३७ कम्पनीको शेयर मूल्य बढ्दा ११८ कम्पनीको मूल्य घटेको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
