काठमाडौँ– निर्वाचन आयोगले मतदाता नामावलीमा नाम समावेश भएका नागरिकले आवश्यक पहिचान पुष्टि हुने कुनै पनि मान्य सरकारी कागजात प्रस्तुत गरी मतदान गर्न सक्ने स्पष्ट पारेको छ।
प्रतिनिधि सभा सदस्य निर्वाचन (मतदान) निर्देशिका, २०८२ का सम्बन्धित व्यवस्थाअनुसार मतदानका लागि जाँदा मतदाता परिचयपत्र साथमा लिनुपर्ने प्रावधान रहेको भए पनि सो परिचयपत्र उपलब्ध नभएको अवस्थामा अन्य वैकल्पिक कागजात प्रयोग गर्न सकिने व्यवस्था रहेको आयोगले जनाएको छ।
यसअनुसार नेपाली नागरिकताको प्रमाणपत्र, राष्ट्रिय परिचयपत्र, राहदानी, जग्गाधनी प्रमाणपूर्जा वा सवारी चालक अनुमति पत्र मध्ये कुनै एक कागजात देखाएर मतदान गर्न सकिनेछ। तर यस्तो सुविधा केवल मतदाता नामावलीमा नाम समावेश भएका व्यक्तिका लागि मात्र लागू हुने आयोगको स्पष्टीकरण छ।
यस विषयमा मतदान स्थलमा खटिने सुरक्षाकर्मी, कर्मचारी तथा सम्बन्धित सरोकारवालालाई आवश्यक जानकारी प्रवाह गर्ने निर्णय उच्चस्तरीय निर्वाचन सुरक्षा समिति बाट भएको जनाइएको छ।
उक्त निर्णय कार्यान्वयनसहित निर्वाचन आचारसंहिता पूर्ण रूपमा पालना गराउने उद्देश्यले गृह मन्त्रालयले सबै जिल्ला प्रशासन कार्यालयका प्रमुख जिल्ला अधिकारी तथा सुरक्षा निकायलाई आवश्यक निर्देशन पठाएको बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772091987.png)
-1772089410.png)
-1764146706.png)
