काठमाडौं– भ्रमणमा काठमाडौं आएका इजरायली नागरिकमाथि कुटपिटमा संलग्न दुई जना पक्राउ परेका छन्।
प्रहरी वृत्त लैनचौर, सोह्रखुट्टेबाट खटिएको प्रहरी टोलीले आइतबार साँझ सवा सात बजे काठमाठौंको ठमेलबाट उनीहरुलाई पक्राउ गरेको हो।
पक्राउ पर्नेमा काभ्रपलान्चोकको तेमाल गाउँपालिका–६ घर भइ हाल काठमाडौंको स्वयम्भूमा बस्दै आएका २६ वर्षीय पेम्बा तामाङ, र नुवाकोटको ताँदी गाउँपालिका–४ घर भइ स्वयम्भूमा नै बस्दै आएका ३० वर्षीय आएका श्याम तामाङ रहेका छन्।
मंसिर १५ गते राति १० बजेतिर काठमाडौं–१६ कालधारास्थित बाटोमा हिँड्दै गरे्का इजरायली नागरिक अल्मोग आर्मोजामाथि हातपात गर्नुका साथै लछारपछार गरिएको थियो। उक्त घटना सार्वजनिक भएपछि पर्यटकमाथि भएको उक्त आक्रमणलाई लिएर सर्वत्र आलोचना भएको थियो। पक्राउ परेका दुवै जनाविरुद्ध अनुसन्धान भइरहेको प्रहरीले जनाएको छ।
घटनाबारे प्रहरी वृत्त सोह्रखुट्टेले अनुसन्धान गरिरहेको छ । पीडित इजरायली नागरिक कालधारास्थित योग होस्टलमा बस्दै आएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
