काठमाडौं– सीमावर्ती भारतीय राज्य बिहारमा सुरु भएको विधानसभा निर्वाचनलाई लक्षित गरी झापाको भद्रपुर नाका ७२ घण्टा बन्द गरिने भएको छ ।
विहारमा विधानसभाको निर्वाचन ६ नोभेम्बर अर्थात आजबाट सुरु भइसकेको छ । ११ नोभेम्बर अर्थात २५ कात्तिकमा त्यहाँ दोस्रो चरणको निर्वाचन भइरहेको छ ।
उक्त निर्वाचनलाई लक्षित गर्दै बिहार राज्यसँग सिधा सीमा जोडिएको भद्रपुर नाका ७२ घण्टा बन्द गरिने सशस्त्र प्रहरी बल नेपाल नं २ गण झापाले जनाएको छ ।
सशस्त्र प्रहरीका अनुसार नोभेम्बर ८ अर्थात कात्तिक २२ गते शनिबार साँझ ५ बजेदेखि नोभेम्बर ११ अर्थात कात्तिक २५ गते मंगलबारसम्म नाका बन्द रहनेछ ।
बिहारमा बिहीबार पहिलो चरणको निर्वाचन सुरु भएको छ । यद्यपि अहिले भने सीमा नाका बन्द गरिएको छैन । अहिले सीमा नाकामा नेपाल–भारत दुवै तर्फबाट कडाइ गरिए पनि आवतजावत बन्द भने नरहेको सशस्त्र प्रहरीका एक अधिकारीले बताए ।
आज भारतीय प्रधानमन्त्री नरेन्द्र मोदी चुनावी सभालाई सम्बाेधन गर्न बिहारकाे अररिया आइरहेका छन् । माेदीकाे सभालाई लक्षित गरी नेपाल–भारत सीमामा दुवै देशका सुरक्षाकर्मीले सतर्कता समेत बढाएका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
