काठमाडौँ– नेपाली राष्ट्रिय फुटबल टोलीका युवा स्ट्राइकर विमल घर्तीमगर ‘ए’ डिभिजन लिगमा डेब्यू गरेका छन्। विमलले राष्ट्रिय टिममा डेब्यू गरेको ६ वर्षपछि ए डिभिजन लिग खेल्ने अवसर पाएका हुन्।
_x000D__x000D_
भारत, बेल्जियम र नेदरल्याण्डसमा समेत व्यावसायिक फुटबल खेलिसकेका विमल ‘ए’ डिभिजन लिगमा बुधबार नवप्रवेशी क्लब च्यासल युथ क्लबबाट मच्छिन्द्र क्लबबिरुद्ध खेल्दै डेब्यू गरेका हुन्। अन्तिम समयमा च्यासलमा अनुबन्धित भएका विमलको ए डिभिजनमा डेब्यू भने सुखद रहन सकेन। उनको क्लब च्यासललाई मच्छिन्द्रले गोलरहित बराबरीमा रोक्यो। खेलमा च्यासलका हेमन्त थापामगरले पेनाल्टीमा गोल गर्न असफल भएका थिए।
_x000D__x000D_
विमललाई लिन अन्य क्लबले प्रयास गरे पनि अन्तिममा विमल च्यासल गएका थिए । १४ वर्षको उमेरमा बङ्गलादेशविरुद्ध मैत्रीपूर्ण खेलमार्फत राष्ट्रिय टोलीमा स्थान बनाउँदै आएका विमलले राष्ट्रिय टोलीका लागि नौ गोल गरिसकेका छन्। उनले सन् २०१२ देखि अहिलेसम्म २६ क्याप जितिसकेका छन्।
_x000D__x000D_
विमलले यसअघि २०७१ सालको राष्ट्रिय लिगमा सुदूरपश्चिमबाट खेलेका थिए । एन्फाको बुटवल एकेडेमीमा २०६७ सालमा प्रवेश गरेका विमलले त्यहाँ रहेर दुई वर्ष प्रशिक्षण गरे । सन् २०१२ को एएफसी यू–१४ प्रतियोगितामा राम्रो प्रदर्शन गरेपछि उनलाई राजधानीको एकडेमीमा ल्याइयो। राष्ट्रिय टोलीका तत्कालीन प्रशिक्षक कृष्ण थापाले १४ वर्षकै उमेरमा उनलाई राष्ट्रिय टोलीबाट खेलाएका थिए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।