काठमाडौँ– सोलुखुम्बुको लोबुचेमा अल्टिच्युट एयरको हेलिकोप्टर दुर्घटना भएको छ।
क्याप्टेन विवेक खड्काले उडाएको हेलिकोप्टर आज विहान सगरमाथा आधार शिविर नजिकै लोबुचेमा दुर्घटनामा परेको जिल्ला प्रहरी कार्यालय सोलुखुम्बुका डीएसपी मनोजित कुँवरले जानकारी दिए।
उनका अनुसार पर्यटकको उद्धारको लागि गएको हेलिकोप्टर ल्यान्ड गर्ने क्रममा हिउँमा चिप्लिएर दुर्घटनामा परेको हो। हेलिकोप्टरमा चालकमात्रै सवार रहेको र खड्का सकुसल छन्। जहाजमा क्षति भएको छ।
त्यस्तै नेपाल नागरिक उड्डयन प्राधिकरणका प्रवक्ता ज्ञानेन्द्र भुलका अनुसार अल्टिच्युट एयरको ९एन एएमएस हेलिकोप्टर लुक्लाबाट आज बिहान ७ : ४५ उडेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
