संखुवासभाको विकट बस्ती मादी मुलखर्कमा जन्मिएका निमेष गुरुङ (२९) सन् २००८ डिसेम्बरमा सिंगापुर पुलिसमा भर्ती भएका थिए। पुलिसमा भर्ती भएपछि उनी मोटाउँदै गए। उचाई ५ फिट ३ इन्च भए पनि सन् २०१२ सम्ममा उनको तौल ६९ केजी पुगिसकेको थियो।
_x000D_
_x000D_
विद्यार्थी जीवनदेखि नै खेलकुद भनेपछि हुरुक्कै हुने निमेष सिंगापुरमा गएपछि खेलकुदमै लाग्न चाहन्थे। उनी सिंगापुरमा दौडने संस्कृतिबाट प्रभावित भएका थिए। उनी दौड प्रतियोगितामा भाग लिन चाहन्थे। तर, आफ्नो मोटाउँदै गएको शरीर सम्झन्थे अनि प्रतियोगितामा माग लिने इच्छा मनमै मार्थे। त्यसैले उनले २०१२ को डिसेम्बरमा तौल घटाउन दौडने निर्णय गरे।
_x000D_
_x000D_
‘मेरो पहिलादेखि नै खेलकुदमा लाग्ने इच्छा थियो। सिंगापुर आएपछि यहाँको दौडने संस्कृतिबाट प्रभावित भएँ,’ उनी भन्छन्, ‘मैले आफ्नो इच्छा त्यहाँका धावकहरुलाई राखे। उनीहरुले तौल घटाउने सुझाव दिएपछि म हौसिएँ।’
_x000D_
_x000D_
गाउँमा अभावका कारण उनी सधैं दौडिएर सबै ठाउँ भ्याउने गर्थे। त्यसैले निमेषका लागि यो कुनै नयाँ र अनौठो अभ्यास थिएन। उनले छोटो समयमै रफ्तार पक्डिए।
_x000D_
_x000D_
उनी तौल घटाउन दिनहुँ व्यायामका साथै २५ किलोमिटरसम्म दौडन थाले। उनले सिंगापुरका प्रत्येक ट्र्याकमा पाइला राख्न भ्याए। अर्काेतर्फ उनले खानेकुरामा पनि ध्यान दिए। ‘चिल्लो खानेकुरा त्यागिदिए। मासुमा पनि कन्ट्रोल गरे, शक्ति दिने खानेकुरा मात्र खाए,’ उनी सम्झन्छन्।
_x000D_
_x000D_
उनले ६ महिना नियमित एउटै दैनिकीलाई निरन्तरता दिए। फलस्वरुप १६ केजी तौल घटाए। ६९ केजीबाट उनी ५३ केजीका भए। शरीरको तौल घटेसँगै उनले आफूलाई हल्का महसूस गरे। ‘बिहान सबेरै उठ्नेदेखि काम गरिरहन मन लाग्न थाल्यो,’ उनी भन्छन्, ‘आत्मविश्वास पनि बढ्यो। जोश र जाँगर बढेकाले दौड प्रतियोगितामा भाग लिन थालें।’
_x000D_
_x000D_
शरीर घटाएर छरितो बनेसँगै उनको खेल जीवनले पनि रफ्तार लियो। त्यही रफ्तारले उनी आफ्नो ख्याति राष्ट्रिय रूपमा मात्र नभई अन्तर्राष्ट्रियस्तरमा फैलाउन सफल भएका छन्। उनी सिंगापुरमा कीर्तिमानधारी धावकको रुपमा चिनिएका छन्।
_x000D_
_x000D_
सिंगापुरको राष्ट्रिय कीर्तिमानधारी धावक निमेषले गत वर्ष प्रहरीको विश्व च्याम्पियनसिपमा समेत स्वर्ण पदक जितेका थिए।
_x000D_
_x000D_
_x000D_
_x000D_
उनी २०१३ मा पहिलोपल्ट सिंगापुर पुलिसको आन्तरिक प्रतिस्पर्धामा सहभागी भए। करिब ३ सय धावक सहभागी भएको ५ हजार र १० हजार मिटर दौडमा सातौं स्थान ओगटेपछि उनको चर्चा भयो। अर्को वर्ष त उनले दुवै स्पर्धामा स्वर्ण पदक नै हात पारे।
_x000D_
_x000D_
उनी प्रशिक्षकको अभावमा इन्टरनेटबाट भिडियोहरू डाउनलोड गर्दै आफूभन्दा सिनियर खेलाडी कसरी दौडिन्छन्, त्यसको प्राविधिक ज्ञान लिन्थे। विस्तारै उनी सिंगापुरमा आयोजना हुने एथलेटिक्स प्रतियोगिताको आकर्षण बन्न थाले।
_x000D_
_x000D_
२०१३ मा निमेषले सिंगापुरको २५ वर्ष पुरानो कीर्तिमान भंग गरे। ५ हजार मिटर दौडमा १९८८ मा कायम राष्ट्रिय कीर्तिमान भंग गर्दै सनसनी मच्चाए। उनले ५ हजार मिटर दौड १५ मिनेट २४ सेकेन्डमा पूरा गरेका थिए। यति नै बेला १० हजार मिटरको राष्ट्रिय कीर्तिमान पनि भंग गरे। यो पनि १० वर्ष पुरानो रेकर्ड थियो।
_x000D_
_x000D_
सन् २०१४ मा उनले सिंगापुरमा अर्को ठूलो प्रतिस्पर्धा जिते। सिंगापुरको चर्चित पत्रिका ‘द स्ट्रेट टाइम’ ले आयोजना गर्ने हाफ म्याराथनमा उनी दोस्रो भए। यो प्रतियोगितामा उनले केन्या, इथियोपिया र सिंगापुरकै चर्चित धावकलाई पछि पारेका थिए।
_x000D_
_x000D_
त्यही वर्ष मलेसियामा माउन्ट किनाबलु अन्तर्राष्ट्रिय च्याम्पियनसिप आयोजना भयो। त्यसको हाफ म्याराथनमा निमेषले दोस्रो स्थान हात पारे। ५ सयभन्दा बढी अन्तर्राष्ट्रिय धावकले भाग लिएको यो प्रतियोगितामा केन्याका धावक पहिलो भए भने उनले जापानी धावकलाई पछि पारेका थिए।
_x000D_
_x000D_
सिंगापुर र मलेसियामा भएका राष्ट्रिय तथा अन्तर्राष्ट्रिय प्रतियोगितामा उनको पदक जित्ने क्रम जारी छ। गत वर्ष मात्र अमेरिकामा भएको विश्व पुलिस फायर गेम्समा २ स्वर्ण जितेका थिए निमेषले। जुन, अर्को ऐतिहासिक उपलब्धि थियो।
_x000D_
_x000D_
गत वर्ष अगस्टमा अमेरिकाको लस एन्जल्समा भएको प्रहरीको विश्व च्याम्पियनसिपमा पनि उनले हाफ म्याराथन र १० हजार मिटर दौडमा स्वर्ण जिते। निमेषले हाफ म्याराथनमा ९१ देशका र १० हजार मिटर म्याराथनमा ५९ देशका धावकलाई पछि पारेका थिए।
_x000D_
_x000D_
२०१४ देखि हालसम्म उनले ५ दर्जन स्वर्णसहित ३ सयभन्दा बढी पदक जितिसकेका छन्।
_x000D_
_x000D_
अहिले पनि सिंगापुरमा निरन्तर दौडिरहेका निमेषको तौल स्थिर छ। उनले विगत ६ वर्षदेखि एउटै दैनिकी पछ्याइरहेका छन्।
_x000D_
_x000D_
खानेकुरादेखि व्यायाममा अनुशासन पालना गरिरहेका छन्। जसले गर्दा उनलाई एउटा नामी धावकको रुपमा स्थापित गराएको छ।
_x000D_
_x000D_
‘खेलकुद क्षेत्रमा लाग्ने मेरो सपना थियो। जुन मैले दृढ इच्छाशक्ति र शरीरलाई फिट राखेर हात पार्न सफल भएँ,’ उनी भन्छन्।
_x000D_
_x000D_
उनको अबको एउटै इच्छा अब औपचारिक रुपमा नेपालको राष्ट्रिय झण्डामा दौडने।
_x000D_
_x000D_
भिडियो :
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
