काठमाडौं– अघिल्लो कारोबार दिन ६ प्रतिशत घटेर नेगेटिभ सर्किट ब्रेक लागेको सेयर बजार आइतबार ४.४४ प्रतिशत बढेको छ। १११ अंक बढेसँगै नेप्से परिसूचक २६२३ अंकमा कायम भएको छ। अघिल्लो दिन २५११ अंकमा झरेको थियो।
सुरुवाती कारोबारका क्रममा बजार उथलपुथल भए पनि साढे ११ बजेपछि उकालो लागेको नेप्से अन्तिम समयसम्म कायम रह्यो। ९ अर्ब १७ करोडको कारोबार भएको छ। २२४ कम्पनीको मूल्य बढ्दा २८ को घट्यो।
निर्जीवन बीमा बाहेकका सेक्टर बढेका छन्। निर्जीवन बीमा ४.०२ प्रतिशत घट्यो। भदौ २४ गते थुप्रै व्यवसायिक प्रतिष्ठान, भवन, निजी घर तथा सवारी साधनमा आगजनी भएपछि निर्जीवन बीमा कम्पनीहरुको दायित्व बढेसँगै यो सेक्टरमा नकारात्मक प्रभाव देखिएको हो।
व्यापार समूह सबैभन्दा धेरै ८.६६ प्रतिशत बढ्यो। बैंकिङ ४.५२, विकास बैंक ६.०७, फाइनान्स ५.५४, होटल तथा पर्यटन २.३३, हाइड्रोपावर ५.८३, लगानी ७.६८, जीवन बीमा ५.६६, उत्पादन तथा प्रशोधन ४.८५, माइक्रोफाइनान्स ३.६९ तथा अन्य १.५३ प्रतिशत बढे।
डेढ दर्जन कम्पनीको मूल्य १० प्रतिशत बढेको छ। १० प्रतिशत मूल्य बढेका कम्पनीमा शिवम् सिमेन्ट, जोशी हाइड्रोपावर, सिन्धु विकास बैंक, भूगोल इनर्जी, गुडविल फाइनान्स, अपी पावर, आँखुखोला जलविद्युत्, बलेफी हाइड्रोपावर, हिमाल दोलखा हाइड्रोपावर, ग्रिन डेभलपमेन्ट बैंक, सप्तकोशी विकास बैंक, हिमस्टार ऊर्जा कम्पनी, माथिल्लो तामाकोशी, कर्पोरेट डेभलपमेन्ट बैंक, नेसनल हाइड्रोपावर, शिवश्री हाइड्रोपावर, रिडी पावर, सिक्लेस हाइड्रोपावर छन्।
मूल्य धेरै घट्नेमा आज निर्जीवन बीमा कम्पनीहरु अगाडि देखिएका छन्। सिद्धार्थ प्रिमियर इन्स्योरेन्सको ७.६४, हिमालयन एभरेस्ट इन्स्योरेन्सको ५.६६, राष्ट्रिय बीमा कम्पनीको ५.५९, सगरमाथा लुम्बिनी इन्स्योरेन्सको ५.०५ प्रतिशत मूल्य घट्यो। त्यस्तै तारागाउँ रिजेन्सीको ४.८७ तथा नेको इन्स्योरेन्सको ४.५७ प्रतिशत मूल्य घट्यो।
आज धेरै कारोबार भएका कम्पनीमा नेपाल पुनर्बीमा, हिमालयन रिइन्स्योरेन्स, गार्डियन माइक्रोलाइफ इन्स्योरेन्स, शिवम् सिमेन्ट र हिमालयन डिस्टिलरी क्रमशः अगाडि रहे।
गत भदौ २३ र २४ गते जेनजीको आन्दोलनसँगै तोडफोडपछि भएको आगलागीपछि बन्द भएको सेयर बजार गत २ गते पहिलो पटक खुला भयो। सेयर बजार खुलेसँगै लगातार तेस्रोपटक नकारात्मक सर्किट लागेपछि कारोबार बन्द भएको थियो।
आन्दोलनपछिको पहिलो कारोबार दिन बिहीबार नेपाल स्टक एक्सचेन्ज (नेप्से)मा लगातार तेस्रो पटक नकारात्मक सर्किट लागेर १६० अंकले गिरावट आएको थियो। योसँगै बिहीबार सेयर बजार २५११ विन्दुमा समेदिएर बन्द भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772726043.png)
-1764146706.png)
