काठमाडौं– हालै भएको आगलागीबाट तहसनहस भएको स्वास्थ्य तथा जनसंख्या मन्त्रालयलाई पुनर्निर्माण गर्न विश्व स्वास्थ्य संगठन (डब्ल्यूएचओ) ले सहयोग गर्ने भएको छ।
मन्त्रालयको नयाँ संरचना खडा गर्न प्राविधिक सल्लाहकार र सहयोगीको रूपमा आफ्नो भूमिका निर्वाह गर्न डब्ल्यूएचओ तयार रहेको जनाइएको छ।
डब्ल्यूएचओ नेपालका प्रमुख डा. राजेश सम्भाजीराव पाण्डवको नेतृत्वमा आएको टोलीले सोमबार मन्त्रालयको स्थलगत निरीक्षण गर्दै आवश्यक सहयोगका विषयमा अधिकारीहरूसँग छलफल गरेको थियो। डा. पाण्डवले छोटो प्रतिक्रिया दिँदै, “अहिले हामी मन्त्रालयको टोलीसँग छलफल गर्दैछौँ, गर्नुपर्ने सहयोग हामीले गर्ने नै छौँ,” भनेका थिए।
यसअघि, डब्ल्यूएचओले जेन-जी आन्दोलनमा घाइते भएकाहरूको उपचार गरिरहेका सिभिल सर्भिस अस्पताल र राष्ट्रिय ट्रमा सेन्टरलाई ३५ वटा ट्रमा ब्याग उपलब्ध गराएको थियो। प्रत्येक ट्रमा ब्यागमा बिरामीलाई सास फेर्न सहयोग गर्ने उपकरण, आईभी फ्लुइड, आवश्यक इन्जेक्सन, रक्तस्राव रोक्नका लागि ड्रेसिङ र ब्यान्डेज, आपत्कालीन शल्यक्रियाका लागि आवश्यक उपकरण, र स्वास्थ्यकर्मीहरूको सुरक्षा सामग्री लगायतका जीवनरक्षक सामग्रीहरू रहेका छन्।
यी सामग्रीहरूले स्वास्थ्यकर्मीहरूलाई घाइतेहरूको अवस्था स्थिर राख्न र प्रभावकारी उपचार गर्न सहयोग पुग्ने विश्वास गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1777595787.png)
