काठमाडौं– मंगलबारदेखिको अविरल वर्षापछि देशका मुख्य सडकहरुमा पहिरोले यातायातका साधनहरुले सास्ती खेपेका छन् । मुख्य राजमार्गहरुमा पहिरो खसेपछि यातायात अवरुद्ध भएका छन् ।
मंगलबार रातिदेखि परेको पहिरोका कारण अवरुद्ध नारायणगढ–मुग्लिन सडक खण्ड बुधबार बिहान ८ बजेपछि मात्र खुलेको छ । यस्तै गुल्मीका तीन वटा मुख्य सडक पहिरोले अवरुद्ध छन् ।
सडक डिभिजनले खुलाउने प्रयास गरिरहेको छ । यता जुम्ला हुँदै मुगुसम्म पुग्ने एक मात्र बाटो कर्णाली राजमार्ग पनि पहिरोले अवरुद्ध बनेको छ ।
कर्णाली राजमार्गअन्तर्गत कालिकोट जिल्लाको शुभकालिका गाउँपालिका–१ स्थित गगनेखोलामा गए राति पहिरो खस्दा कर्णाली राजमार्ग र चितवनको इच्छाकामना गाउँपालिका–५ तुइनखोलास्थित सडकखण्डमा पहिरो खसेर नारायणगढ–मुग्लिन सडकखण्ड अवरुद्ध भएको छ ।
कर्णाली राजमार्गको गगनेखोला क्षेत्रमा यसअघि पनि पटकपटक पहिरो गई राजमार्ग अवरुद्ध हुँदै आएको थियो । राजमार्गको सबैभन्दा बढी जोखिम ठाउँ पनि हो । अविरल वर्षाले खसेको पहिरोले राजमार्ग पूर्ण रूपमा अवरुद्ध भएको जुम्ला सडक डिभिजन कार्यालयका प्रमुख दीपेन्द्रकुमार चौधरीले जानकारी दिए । पहिरो पन्छाउन समय लाग्ने भएको छ ।
यस्तै पृथ्वी राजमार्गको घोप्टे भिरमा पनि पहिरोका कारण सडक एकतर्फी भएको छ । नारायणगढ मुग्लिन सडकखण्डकै नाम्सी खोलामा पहिरो खसेको पहिरो पन्छाएर सडक दुइतर्फी सञ्चालन गरिएको छ ।
अहिले पनि सो क्षेत्रमा पानी परिरहेको छ । पहिरो खसेपछि गन्तव्यमा हिँडेका सवारीसाधन रोकिएका छन । पहिरोलाई अहिले हटाउने काम भइरहेको छ । राजमार्ग अवरुद्ध हुँदा यात्रु अलपत्र परेका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1773643707.png)
