जकार्ता– इन्डोनेशियामा सरकार विरुद्ध प्रदर्शन उग्र बनेको छ । प्रदर्शनका क्रममा एक ट्याक्सी चालकको मृत्यु भएपछि शुक्रबार स्थिति झन उग्र बनेको हो ।
बिहीबार सरकारको नीतिविरुद्ध विरोध प्रदर्शनका क्रममा प्रहरीको गाडीको चपेटामा आएर एक बाइक ट्याक्सी राइडर अफ्फान कुर्नियावनको मृत्यु भएको थियो ।
जकार्तामा प्रदर्शनकारी बोबाइल ब्रिगेड कोर हेडक्वार्टर बाहिर सैयौंको संख्यामा जम्मा भएका थिए । प्रहरीले प्रदर्शनकारीलाई तीतरवितर पार्ने कोशिस गरेको थियो । त्यसक्रममा केही युवा प्रदर्शनकारीले ढुंगामुडा गरेका थिए ।
जकार्ता प्रहरी हेडक्वार्टरतर्फ बढ्दो भीडलाई रोक्न प्रहरीले अश्रुग्यास प्रहार गरेको थियो । प्रदर्शन उग्र बन्दै गएपछि विद्यालयबाट बालबालिकालाई छिट्टै घर पठाइएको थियो ।
राजधानी जकार्ताबाट सुरु भएको आन्दोलन देशका अन्य ठूला शहरमा पनि सुरु भएको छ । मेदान, ईस्ट जावा र सुरबायामा पनि प्रदर्शनकमारीले प्रहरीविरुद्ध विरोध गरेका थिए । जकार्तामा यस साताको सुरुवातदेखि नै प्रदर्शन भइरहेको छ ।
प्रदर्शनकारी इन्डोनेशियाका सांसदको तलब वृद्धि र भत्तासमेत अन्य मुद्दाहरुलाई लिएर प्रदर्शन गरिरहेका छन् ।
इन्डोनेशियाका राष्ट्रपति प्रबोवो सुबियान्तोले र प्रहरी प्रमुखले बाइक ट्याक्सी चालकको मृत्युलाई लिएर परिवारसँग माफी मागेका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
