एजेन्सी–अमेरिकाले भारतमाथि थप २५% आयात शुल्क (ट्यारिफ) लगाउने आधिकारिक सूचना जारी गरेको छ।
भारतीय समय अनुसार यो नयाँ नियम बुधबार बिहान ९:३१ बजेदेखि लागू हुने अमेरिकी सरकारको आदेशमा उल्लेख गरिएको छ।
राष्ट्रपति डोनाल्ड ट्रम्पले यसअघि नै रुसबाट तेल किनेकै कारण भारतमाथि प्रतिबन्ध स्वरूप ट्यारिफ लगाउने घोषणा गरेका थिए। यसअघि ७ अगस्टदेखि नै भारतका सामानमा २५% शुल्क लागू भइसकेको थियो। अब कुल शुल्क ५०% पुग्ने भएको छ।
–यस क्षेत्रमा असर पर्नेछ
गहना (ज्वेलरी), कपडा (टेक्सटाइल), अटोमोबाइल र समुद्री खानेकुरा (सी–फुड) क्षेत्र सबैभन्दा प्रभावित हुने अनुमान छ। अमेरिकी बजार गुमेमा यी उद्योगहरूले नयाँ निर्यात गन्तव्य खोज्नुपर्ने हुन्छ। विशेषज्ञका अनुसार करिब ४८.२ अर्ब डलर बराबरको भारतीय निर्यातमा सीधा असर पर्नेछ।
यद्यपि आईटी सेवा, औषधि (फार्मास्यूटिकल्स) र इलेकट्रोनिक्स उद्योग भने हाललाई यस शुल्कबाट बाहिर रहेका छन्। इलेकट्रोनिक्समा ‘सेक्सन २३२’ अन्तर्गत छुट दिइएको छ। फार्मामा हाल ०% शुल्क कायम छ तर ट्रम्पले आगामी १८ महिनामा यसलाई बढाउने चेतावनी दिएका छन्।
भारतबाट अमेरिकामा सबैभन्दा धेरै गहना, कपडा, मेसिनरी र रसायन (केमिकल) पठाइन्छ। ५०% शुल्कका कारण यी वस्तु अमेरिकी बजारमा महँगो हुनेछन्। माग घट्दा भारतीय कम्पनीहरूले उत्पादन कटौती गर्नुपर्ने हुन सक्छ, जसले रोजगारी गुम्ने खतरा बढाउँछ।
निर्यात कम हुँदा भारत सरकारको राजस्व घट्नेछ। विज्ञहरूले भारतको जीडीपी वृद्धिदर ०.२% देखि ०.६% सम्म कम हुनसक्ने अनुमान गरेका छन्। यसले भारतलाई व्यापार नीतिमा फेरबदल गर्न र अमेरिका बाहेक युरोप, रुस वा अन्य बजारतर्फ ध्यान दिन बाध्य बनाउन सक्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786783779.jpg)
-1786602170.png)
