एजेन्सी– भारतको सर्वोच्च अदालतले नसबन्दी र खोप लगाएपछि नयाँदिल्लीका सडकबाट हटाइएका सबै बेवारिसे कुकुरहरूलाई पुनः छाड्न आदेश दिएको छ।
अदालतले शुक्रबार दिएको यो आदेशले पहिलेको निर्णयलाई परिमार्जन गर्दै कुकुरहरूलाई हटाइएका स्थानमै फिर्ता पठाउनुपर्ने भनेको छ। साथै, राजधानीभरि तोकिएका खाने स्थानहरू बनाउनुपर्ने उल्लेख गरिएको छ।
पशु अधिकारकर्मी र कार्यकर्ताहरूले अगस्ट ११ मा अदालतले दिएको स्थायी आश्रयमा राख्ने आदेशविरुद्ध अपिल दायर गरेका थिए।
नयाँदिल्लीका सडकमा घुम्ने धेरै कुकुरहरू हानिरहित भए पनि, टोक्ने घटनाहरू बढ्दै गएको कारण अदालतले यस्तो आदेश दिएको हो। विशेषगरी बालबालिकाहरू संलग्न हुने घटनाले चिन्ता बढाएको छ। अस्पतालका तथ्याङ्कअनुसार, नयाँदिल्लीमा दैनिक करिब दुई हजार जनालाई कुकुरले टोक्ने गरेको अनुमान गरिएको छ।
कुकुरको टोकाइबाट सर्ने रेबिज एक भाइरसका कारण हुन्छ, जसले केन्द्रीय स्नायु प्रणालीलाई असर गर्छ र उपचार नगरे मृत्यु हुनसक्छ।
अदालतको शुक्रबारको आदेशअनुसार, कुकुरहरूलाई उनीहरूलाई हटाइएका स्थानमै छोडिनुपर्नेछ र राजधानीभरि तोकिएका खाने ठाउँहरू बनाउनुपर्नेछ। तर, यो आदेश रेबिज सङ्क्रमित वा आक्रामक व्यवहार देखाउने कुकुरहरूमा लागू हुनेछैन।
नयाँदिल्लीमा बेवारिसे कुकुरहरूको सङ्ख्या पाँच लाखदेखि १० लाखको बीचमा रहेको अनुमान गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766824868.png)
-1766819606.png)
-1764146706.png)
-1763721444.png)
-1766648928.png)
