इटहरी– आफूलाई राष्ट्रिय गीतको रचनाकार व्याकुल माईला भन्दै ठगी हिड्ने एक व्यक्तिलाई प्रहरीले इटहरीबाट पक्राउ गरेको छ।
आफु नेपाली राष्ट्रिय गानका रचनाकार भएको दाबी गर्दै ठगी हिंड्दै गरेको अवस्थामा प्रहरीले इटहरीबाट उदयपुरको बेल्टार घर भएका मिलन राईलाई पक्राउ गरेको हो।
उनले आफूलाई “राष्ट्रिय गीत – सयौं थुङ्गा फूलका हामी एउटै माला नेपाली” गीतको रचनाकार ब्याकुल माइला भनी दाबी गर्दै गर्दा बिहीबार इटहरीबाट पक्राउ गरिएको छ।
उनले व्याकुल माईलाका नाममा प्रकाशित पुस्तकको भुक्तानी लिन इटहरी उपमहानगरपालिका आएका थिए। उदयपुरको बेल्टार घर भएका राईलाई यसअघि पनि नक्कली माईला भई ठगी गरेको आरोपमा पक्राउ गरी सर्तमा रिहा गरिएको थियो।
व्याकुल माईलाका नाममा प्रकाशित केही पुस्तकको भुक्तानी लिनका लागि बिहीबार इटहरी उपमहानगरपालिका आएका उनलाई प्रहरीले उपमहानगर परिसरबाट पक्राउ गरेको हो।
राईले आफू राष्ट्रगानको सक्कली सर्जक भएको दाबी गर्दै राष्ट्रपति कार्यालयमा समेत उजुरी हालेका थिए । करिब सात महिनाअघि उनले सभामुख देवराज घिमिरेलाई भेटेर राज्यले ‘व्याकुल माइला’ लाई दिँदै आएको मासिक भत्ता आफूले पाउनुपर्ने मागसहित निवेदन दिएका थिए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
