ढाका– बंगलादेशमा वायु सेनाको एफ७ विमान राजधानी ढाको उत्तरामा सोमबार दुर्घटना भएको छ।
विमान माइलस्टोन स्कुल तथा कलेजको भवनमा खसेको हो।
सरकारी अधिकारीहरूले घटनामा कम्तीमा एक जनाको मृत्यु भएको जानकारी दिएका छन्। हाल उद्धारको काम जारी रहेको छ।
अग्नि नियन्त्रण सेवाको कन्ट्रोल रुममा ड्युटी अफिसर लिमा खनामले स्थानीय समयअनुसार १ बजेर १८ मिनेट जाँदा दुर्घटनाबारे पहिलो जानकारी आएको बताए।
सामाजिक सञ्जालमा साझा गरिएको भिडियोहरूमा धेरै मानिसहरुलाई घाइते अवस्थामा उद्धार गरिएको देखिएको छ। उनीहरूलाई उत्तरा आधुनिक हस्पिटल लगायत अन्य अस्पतालमा लगिएको छ।
डेप्युटी कमिस्नर अफ पुलिस मुहिदुल इस्लामले एउटा प्रशिक्षण विमान दुर्घटना भएको र हाल उद्धार कार्य जारी रहेको जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।