लन्डन– लन्डनको साउथेन्ड विमानस्थल अर्को सूचना नभएसम्मका लागि बन्द गरिएको छ।
उड्नै लागेको बेलामा सानो आकारको व्यापारिक विमान दूघर्टना ग्रस्त भएको थियो। यस घटनापछि आकाशमा कालो धुवाँको बादल देखिएको थियो र विमानस्थलमा भागाभाग भएको थियो।
आइतबार आगलागी भएको विमान ‘बीच बी २०० सुपर किंग एयर’ भएको बताइएको छ। फ्लाइट ट्र्याकिङ वेबसाइट फ्लाइट राडारका अनुसार विमान रनवेबाट उड्ने बित्तिकै केही बेरमै दुर्घटना ग्रस्त भएको थियो।
दूघर्टनाको समयमा विमानमा कति जना थिए भन्ने स्पष्ट भएको छैन। अर्को सूचना जारी नभएसम्म उडानहरू स्थगित रहने र यात्रुहरूलाई अद्यावधिक जानकारी गराइने विमानस्थल प्रशासनले बताएको छ।
सोमबार यात्रा गर्ने योजना बनाइरहेका मानिसहरूलाई आफ्नो एयरलाइन्समा सम्पर्क गर्न सल्लाह दिइएको छ। दुर्घटनाग्रस्त उडान एसयूजेड १ आफ्नो भएको पुष्टि डच कम्पनी ज्यूस एभिएसनले गरेको छ।
अनुसन्धानमा पूर्ण सहयोग गरिरहेको भन्दै कम्पनीले यस घटनाबाट प्रभावित सबैप्रति समवेदना रहेको बताएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
