धनगढी– पछिल्लो समयमा देशमा बढ्दै गएका महिला हिंसा तथा बलात्कारजस्ता घटनाको न्यूनिकरण गर्ने उद्देश्यका साथ महिला तथा बालिकाहरूका लागि शनिबारदेखि आत्मरक्षा सम्बन्धी शिविर सुरु हुँदैछ।
_x000D_
_x000D_
एक सातासम्म कैलालीकाे धनगढी रगंशालामा आयोजना गरिने आत्मरक्षा सम्बन्धी शिविरको तयारी पुरा भएको आयोजक राष्ट्रिय गोजुरियो कराते दो सङ्घले शुक्रबार पत्रकार सम्मेलन गरी जनाएको छ।
_x000D_
_x000D_
कार्यक्रमको शनिबार बिहान धनगढी रगशालामा सुदूरपश्चिम प्रदेशका मुख्यमन्त्री त्रिलोचन भट्टले उद्घाटन गर्ने संघका महासचिव प्रकाश चन्दले जानकारी दिए।
_x000D_
_x000D_
महिलामाथि हुने हिंसा, बलात्कार लगायतका घटना न्यूनिकरणकमा शिविरले सहयोग पुग्ने अपेक्षा गरिएको कार्यक्रममा सुदुरपश्चिमका मन्त्री, महिला सांसद, स्थानीय तहका प्रमुख तथा उपप्रमुख लगायतको सहभागिता रहने आयोजकले जनाएको छ।
_x000D_
_x000D_
शिविरमा १ हजार महिला तथा बालिकालाई आत्मरक्षा सम्बन्धी तालिम प्रदान गरिने लक्ष्य लिइए पनि १ हजार ७ सय महिलाले फारम भरेका चन्दले जानकारी दिए। उनले फारम भर्ने सबैलाई तालिम दिइने पनि स्पष्ट पारे।
_x000D_
_x000D_
सहभागी महिलाबाट उत्कृष्ट १ सय जनालाई प्रशिक्षकको रूपमा छनौट गरिने र उनीहरूले सम्बन्धित स्थानीय तहको सहकार्यमा प्रत्येक स्थानीय तहमा शिविर सञ्चालन गर्नेछन्।
_x000D_
_x000D_
सुदुरपश्चिम प्रदेशबाट सुरु गरिने महिलाका लागि आत्मरक्षा सम्बन्धी शिविर प्रदेश १ को बिर्तामोडमा समापन गरिने आयोजकले जानकारी दिएको छ।
_x000D_
_x000D_
शिविर निःशुल्क रुपमा सञ्चालन गरिने छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
