काठमाडौँ– भुटानमा जारी साफ यू–१८ महिला च्याम्पियनसिप फुटबलमा नेपाल फाइनलमा पुगेको छ। शुक्रबार भएको पहिलो सेमिफाइनलमा भारतलाई पेनाल्टी सुटआउटमा ३–२ गोलले पराजित गर्दै नेपाल फाइनलमा पुगेको हो।
_x000D_
_x000D_
भुटानको राजधानी थिम्पुस्थित चाङलिमिथाङ मैदानमा भएको खेलमा नेपालको जितमा गोलकिपर अन्जना रानामगरले उत्कृष्ट प्रदर्शन गरिन्। उनले ३ वटा पेनाल्टी प्रहार रोक्नुका साथै पेनाल्टीमा १ गोल गरिन्।
_x000D_
_x000D_
निर्धारित समय र थप गरिएको ३० मिनेटमा खेल १–१ गोलको बराबरी भएपछि खेल पेनाल्टी सुटआउटमा पुगेको थियो।
_x000D_
_x000D_
त्यसअघि खेलको २३ मिनेट मिनेटमा रश्मीकुमारी सिसिङले गोल गरेर नेपाललाई अग्रता दिलाएकी थिइन्। तर दोस्रो हाफमा भारतकी टाडु जबामानीले बराबरी गोल फर्काउन सफल भइन्।
_x000D_
_x000D_
अब नेपालले फाइनलमा आजै हुने दोस्रो सेमिफाइनलमा आयोजक भूटान र बङ्गलादेशको विजेतासँग उपाधिका लागि प्रतिस्पर्धा गर्नेछ।
_x000D_
_x000D_
समूह चरणमा एक खेलमा जित र एक खेलमा हार व्यहोर्दै नेपाल सेमिफाइलनमा पुगेको हो। समूह चरणको पहिलो खेलमा नेपालले पाकिस्तानलाई १२–० ले पराजित गरेको थियो भने बङलादेशसँग २–१ गोलले पराजित भएको थियो।
_x000D_
_x000D_
खेलको भिडियो :
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
