क्वालालम्पुर– विश्वमै अत्यन्त विलासी जीवनशैली भएकी महिलाको रुपमा चिनिएकी मलेसियाका एक जना पूर्वप्रधानमन्त्रीकी श्रीमतीलाई भ्रष्टाचार गरेको आरोप लागेको छ।
_x000D_
_x000D_
पुर्वप्रधानमन्त्री नाजिब रजाककी श्रीमती रोस्मा मनसुरलाई भ्रष्टाचार नियन्त्रण सम्वन्धी निकायले १७ ओेटा आरोप लगाएको हो।
_x000D_
_x000D_
पूर्ववर्ती सरकारकी प्रभावशाली महिला मनसुरले करोडौ अमेरिकी डलर बराबरको कालो धनलाई आफ्नो बनाएको लगायतका आरोपहरू लगाइएको छ।
_x000D_
_x000D_
अधिकारीहरूले दिएको जानकारी अनुसार उनले आरोपहरूको खण्डन गरेकी छन्। उनलाई लगाइएको आरोपहरू पुष्टी भएमा आजीवन कारावास सजाय हुने मलेसियामा कानूनी व्यवस्था छ।
_x000D_
_x000D_
निकै महङ्गो सामानहरू किन्ने र उपयोग गर्ने बानी भएको मानिने ६६ वर्षीया मनसुरले महङ्गा गहना तथा हाते झोला आदि किन्ने गरेको चर्चा हुने गरेको थियो।
_x000D_
_x000D_
उनका श्रीमान् नाजिबलाई पनि अनियमितता सम्वन्धी दुई दर्जन भन्दा बढी आरोप लगाइएको छ।
_x000D_
_x000D_
शक्तिमा रहेको नौ वर्षे अवधिमा उनले राज्यशक्ति र श्रोतसाधनको दुरुपयोग गरेको आरोप लगाइएको अधिकारीहरूले जनाएका छन्।
_x000D_
_x000D_
नाजिबले भ्रष्टाचार गरेको आरोपलाई मुख्य चुनावी मुद्दा बनाएका महाथिर मोहमदले सरकारको नेतृत्व गरेपछि पूर्ववर्ती सरकारका उच्च अधिकारीहरूमाथि छानबिन थालिएको हो। रासस/एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
