काठमाडौं- एभरेष्ट प्रिमियर लिग (इपिएल) टी–२० क्रिकेट प्रतियोगिता–२०१८ आगामी मङ्सिर २२ गतेदेखि हुने भएको छ ।
_x000D_
_x000D_
आगामी मङ्सिर २२ गतेदेखि पुस ७ गतेसम्म त्रिवि क्रिकेट मैदान कीर्तिपुरमा हुने इपिएल प्रालिका प्रबन्ध निर्देशक आमिर अख्तरले जानकारी दिए ।
_x000D_
_x000D_
प्रतियोगितामा विराटनगर वारियर्स, भैरहवा ग्लाडिएटर्स,काठमाडौँ किङ्ग्स–११, चितवन टाइगर्स, ललितपुर प्याट्रियर्स र पोखरा राइनोजले प्रतिस्पर्धा गर्नेछन् ।
_x000D_
_x000D_
यस संस्करणको इपिएलमा दैनिक एक खेल मात्र गर्ने छ । यो खेललाई गत वर्षभन्दा अझ भव्य बनाउने आयोजकले तयारी गरिरहेको प्रबन्ध निर्देशक अख्तरले जानकारी दिए।
_x000D_
_x000D_
इपिएलको अनुमतीका लागि अन्तर्राष्ट्रिय क्रिकेट काउन्सिलमा पत्र पठाएको र प्रक्रिया अघि बढिरहेको बताए। उनले नोभेम्बरको अन्त्यसम्ममा अनुमती पाउने विश्वास समेत व्यक्त गरे।
_x000D_
_x000D_
यता युएईमा पुस ४ गते टी–२० लिग हुने भएकाले इपिएललाई असर गर्ने देखिएको छ। किनकी युएईका कप्तान रोहन मुस्ताफा लगायतले इपिएल खेल्ने बताइएको छ। नेपालका पनि केहि खेलाडीले युएईको लिग खेल्न नाम दर्ता गराएका छन्। तर अख्तरले त्यसले कुनै असर नगर्ने दाबी गरे।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
