लगातार चौथो दिन पनि सेयर बजारमा गिरावट

बैंक/बिमा/सेयर

नेपाल लाइभ बुधबार, वैशाख ३१, २०८२ १५:३९

काठमाडौं–साताको तेस्रो कारोबार दिन पनि सेयर बजारमा गिरावट आएको छ।

कारोबार भएको आइतबार र मंगलबार दुई दिनमा २५ अंकले गिरावट भएको सेयर बजार बुधबार पनि घटेको हो।

आज नेप्से सूचक १४ अंकले गिरावट भएको हो। योसँगै बुधबार सेयर बजार परिसूचक २६२० विन्दुमा पुगेर रोकिएको हो।

लगातार गिरावट आएको सेयर बजारमा कारोबार रकम पनि घटेको छ। मंगलबार साढे ९ अर्बभन्दा बढी सेयर कारोबार भएको थियो। अघिल्लो दिनको तुलनामा आज सेयर बजारमा करिब एक अर्बले गिरावट हुँदै आठ अर्ब ७३ करोडको सेयर कारोबार भएको हो।

आज ओम मेगाश्री फार्मास्युटिकल लिमिटेड कम्पनीको सेयर मूल्यले सकारात्मक सर्किट पार गर्दा पिपुल्स पावर लिमिटेड कम्पनीको सेयर ९ प्रतिशतले वृद्धि भएको छ। यस्तै, तीन वटा कम्पनीको सेयर मूल्यले नकारात्मक सर्टिक लेभलमा गिरावट आएको छ।

बुधबार कूल ६२ कम्पनीको सेयर मूल्य बढ्दा १८३ वटा कम्पनीको सेयर मूल्यमा गिरावट आएको छ। एउटा कम्पनीको सेयर मूल्य स्थिर भएको छ।

पछिल्लो समय देशको केन्द्रीय बैंक नेपाल राष्ट्र बैंक नेतृत्वविहीन हुँदा यसको असर सेयर बजारमा देखिएको हो। सरकारले विगत डेढ महिनादेखि राष्ट्र बैंकको गभर्नर नियुक्ति गर्न नसक्दा सेयर कमजोर बन्दै गएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

बेरूजु निरन्तर बढ्दो, राजस्व छुटको तथ्याङ्क संसद्मा पेस गरेर पारदर्शिता कायम गर्न सुझाव

विद्यालयमा हाजिरीविनै दिवा खाजामा २७ करोड खर्च

पोखरामा माइक्रो दुर्घटना, ३ जनाको मृत्यु