काठमाडौं– हिमपातका कारण अवरुद्ध नाम्खा गाउँपालिका-६ स्थित लिमी-लाप्चा खण्डअन्तरगत न्यालु लेख खुलेको छ।
नाम्खा गाउँपालिका-६ वडाध्यक्ष पाल्जाेर तामाङका अनुसार बाक्लाे हिमपातले अवरुद्ध भएकाे ४,९९० मिटर उचाइमा रहेकाे न्यालुको सडक पूर्वाधार विकास कार्यालय हुम्लाले हिउँ पन्छयाएपछि खुलाएको हो ।
पुस, मंसिर महिना परेकाे बाक्लाे हिमपातले न्यालु लेख बन्द भएपछि लिमी-लाप्चाबाट मानसरोवर कैलाश दूरदर्शन गर्न पर्यटकहरू र नाम्खा गाउँपालिका -६ का स्थानीयवासीलाई समस्या भएकाे वडाध्यक्ष तामाङले बताए ।
उनका अनुसार अब लिमी लाप्चा नेपाली भूमिबाट चीनमा रहेकाे मानसरोवर कैलाशकाे दूरदर्शन गर्न आउने आन्तरिक तथा बाह्य पर्यटकहरूलाई सहज भएकाे छ ।
वडानम्बर -६ काे लिमीबाट गाउँपालिका केन्द्र र सदरमुकाममा सिमकाेट आउजाउ गर्न पनि सहज भएकाे तामाङले बताए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787224333.jpeg)
-1786783778.jpg)
-1786602170.png)
-1786513116.png)
