म्याग्दीमा स्थानीयकाे श्रमदानबाट पदमार्ग निर्माण

समाज

नेपाल लाइभ बिहीबार, असोज १८, २०७५ ०२:३७

म्याग्दी– म्याग्दीको धवलागिरि गाउँपालिका–७ हिलापोखरीका बासिन्दाले श्रमदान गरेर पदमार्ग निर्माण गरेका छन्।

_x000D_ _x000D_

हिलापोखरी टोल सुधार समितिको सक्रियतामा उनीहरूले धौलागिरि चक्रीय पदमार्गअन्तर्गत ७ नं वडामा पर्ने ताकमदेखि हिलापोखरी र खोरवाङ हुँदै ४ नं वडाको खारा जोड्ने गरी पदमार्ग निर्माण गरेका हुन्।
_x000D_
_x000D_ उनासी घरधुरीले तीन दिनसम्म श्रमदान गरेर पाँच किलोमिटरभन्दा बढी पदमार्ग निर्माण गरेको समितिका अध्यक्ष रामजी मल्लले जानकारी दिए।

_x000D_ _x000D_

धवलागिरि चक्रीय पदमार्गको भ्रमणमा आउने पर्यटक र स्थानीयबासीको सुविधाका लागि पदमार्ग निर्माण गरिएको उनको भनाइ थियो।
_x000D_
_x000D_ स्थानीयबासीले घाँसदाउरा र खेतीबाली लगाउन आवतजावत गर्ने परम्परागत घोडेटो बाटोलाई फराकिलो बनाउने, झाडी फाँडेर सरसफाई गर्ने, पहिरो पन्छाउने, सिँढी बनाउने गरिएको छ।

_x000D_ _x000D_

यसबाट खिवाङ, हिलापोखरी, मुदी, बगर, खारा, खाम्ला, बाँसबोट, चुचुङ, नाउराका बासिन्दालाई सुविधा पुगेको छ।

_x000D_ _x000D_

यो पदमार्ग धौलागिरि चक्रीय पदमार्गको ताकम, मुना, मुदी र बिम कल्लेनी बाँसबोट खण्डको विकल्प भएको हिलापोखरीका याम पुनले बताए।

_x000D_ _x000D_

अन्य दुईभन्दा यो नयाँ पदमार्ग छोटो छ। पर्यटकको चार समूह यही पदमार्ग भएर धवलागिरि आधार शिविरतर्फ गएका टोल सुधार समितिका अध्यक्ष मल्लले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

युवा संघकाे अध्यक्षका लागि क्षितिज थेबेद्बारा मनोनयन दर्ता

कोशी प्रदेश सरकारको नीति तथा कार्यक्रम पारित

रास्वपाले स्वीकृत गर्‍यो सुमनाको राजीनामा