एजेन्सी– स्वीडेनको टेलिकम उपकरण बनाउने कम्पनी ‘एरिक्सन’ले भारतीय व्यापारी अनिल अम्बानीको कम्पनी ‘रिलायन्स कम्युनिकेसन’ (आरकम) विरुद्ध मुद्धा दायर गरेका छन्। भारतको सर्वोच्च अदालतमा दायर गरिएको मुद्धामा अम्बानी र उनको कम्पनीका अरु दुई निर्देशकलाई अदालतको स्वीकृति बिना विदेश जान नदिन पनि उक्त कम्पनीले अदालत समक्ष माग गरेको छ। यो मामिलामा बिहीबार भारतीय सर्वोच्च अदालतमा सुनुवाइ हुनेछ।
_x000D_
_x000D_
अम्बानीको ‘आरकम’ कम्पनीले ‘एरिक्सन’ कम्पनीको ११ सय करोड भारतीय रुपैयाँ(भारु) बक्यौता तिर्न बाँकी रहेको छ। भारतको नेसनल कम्पनी ‘ल ट्रिब्युनल’ले ३० सेप्टेम्बरसम्म रिलायन्स कम्पनीलाई ५ सय ५० करोड भारु बक्यौता रकम भुक्तानी गर्न निर्देशन दिएको थियो। तर ट्रिब्युनलको आदेशका बाबजुद रिलायन्सले एरिक्सनलाई तोकिएको रकम भुक्तानी गर्न सकेको छैन।
_x000D_
_x000D_
एरिक्सनले रिलायन्स विरुद्ध अदालतको निर्णयको अपहेलना सम्बन्धी मुद्धासमेत दायर गरेको छ। एरिक्सनले जाहेर गरेको मुद्धामा भनिएको छ – ‘रिलायन्सले देशको कानुनलाई आदर गरेको छैन र अदालतको आदेशलाई हल्का रुपमा लिएको छ।’
_x000D_
_x000D_
एरिक्सनले रिलायन्स कम्पनीको टेलिकम भारतमा सञ्चालन र प्रवद्र्धन गर्न सन् २०१४ मा ७ वर्षको करार सम्झौता गरेको थियो। यही क्रममा रिलायन्सको एरिक्सनसँग ११ सय करोड भारु बक्यौता हुन पुगेको हो।
_x000D_
_x000D_
यसअघि रिलायन्सले सुनुवाइका क्रममा सर्वोच्च अदालतमा आफू टाँट पल्टिन लागेको बेला ऋण भुक्तानी गर्न नसक्ने कुरा बताएको थियो। यसमा एरिक्सनले ‘आफूले पाउनुपर्ने बक्यौता रकम नपाएसम्म रिलायन्सलाई टाँट पल्टेको घोषणा नगरियोस्’ भन्दै अदालतसँग माग गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762931323.png)
-1762925704.png)
-1762846065.png)
