काठमाडौं– दोश्रो नेपाल स्ट्रङ्गेस्ट २०१८ मा भारोत्तोलन प्रतियोगिताको महिलातर्फ नेपाल प्रहरीकी तारादेवी पुन स्वर्ण हात पार्न सफल भएकी छिन्। योसहित पुलिसले महिलातर्फ बुधबार पाँच स्वर्ण जितेको छ।
_x000D_
_x000D_
पुनले ७५ केजीमाथि तौल समूहमा सिनियरतर्फ १ सय ६६ केजी भार बहन गर्दै स्वर्ण जितेकी हुन्। स्नाचमा ७१ केजी उचालेकी उनले क्लिन एण्ड जर्कमा ९५ केजी भार बहन गरिन्। दोश्रो स्थानमा रहेकी सेनाकी अश्मिता राईले स्नाचमा ५० र क्लिनमा ६२ गरि कुल ११२ केजी भार बहन गरिन्। प्रहरीकी सुधा थापाले कास्य जितितन्। उनले स्नाचमा ४७ केजी र क्लिनमा ५२ केजी गरि कुलमा ९९ केजी उचालिन्।
_x000D_
_x000D_
सोही विधाको जुनियर तर्फ भएको एकल प्रतिस्पर्धामा नेपाल ब्यायाम मन्दिरकी विद्या राईले स्नाचमा ४०, क्लिनमा ६२ का साथ कुलमा १०२ केजी भारका साथ स्वर्ण कब्जा गरिन् ।
_x000D_
_x000D_
ओलम्पियन एवं तत्कालिन ओलम्पियन संघका अध्यक्ष तथा नेपाल भारोत्तोलन संघका उपाध्यक्ष सुनिल लाल जोशीको स्मृतीमा आयोजना गरिएको भारोत्तोलन प्रतियोगितामा नेपाल प्रहरीकी संगिता राईले ४८ केजी तौल समूहमा नेपाली सेनाकी रिता गुरुङलाई पछि पार्दै स्वर्ण जितेकी हुन्। राईले स्नाचमा ५३ केजी र क्लिन एण्ड जर्कमा ६७ केजीका साथ कुलमा १२० केजी भार बहन गरिन्। दोश्रो स्थानमा रहेकी सेनाकी रिताले स्नाचमा ४५ र क्लिन एण्ड जर्कमा ५३ केजी गरि कुल ९८ केजी भार बहन गरिन्।
_x000D_
_x000D_
समूहको जुनियर तर्फ झापाकी करिना चौधरीले कुल १०० केजी भार बहन गर्दै स्वर्ण जितिन्। उनले स्नाचमा ४५ केजी तथा क्लिन एण्ड जर्कमा ५५ केजी भार बहन गरिन्। दोश्रो स्थानमा डिभाईन फिजिकल फिटनेशकी पल्लभी कुमारी चौधरी रहिन्। उनले स्नाचमा ३५ केजी र क्लिनमा ४२ केजी गरि कुलमा ७७ केजी उचालिन्।
_x000D_
_x000D_
महिलाको ५३ केजी तौलमा नेपाल प्रहरीकी देवी कुमारी चौधरीले प्रथम स्थान हात पारिन। उनले स्नाचमा ६५, क्लिनमा ७५ केजीका साथ कुलमा १४ केजी भार उचालिन्। दोश्रो स्थानमा रहेकी सेनाकी मनिषा रानाभाटले स्नाचमा ५० तथा क्लिनमा ७० केजी गरि कुल १२० केजी उचालिन्। यसै समूहको जुनियर तर्फ बाँकेकी संजु चौधरीले स्वर्ण पाईन्। एकल प्रतिस्पर्धा गरेकी उनले स्नाचमा ६८ केजी र क्लिनमा ८५ केजीका साथ १५३ केजी भार बहन गरिन्।
_x000D_
_x000D_
५८ केजी तौलमा सिनियर तर्फ नेपाली सेनाकी कमला श्रेष्ठ र जुनियर तर्फ बाँकेकी कविता चौधरीले स्वर्ण पाए । एकल प्रतिस्पर्धा गरेकी कमलाले स्नाचमा ६५ केजी र क्लिनमा ७५ केजीका साथ कुलमा १४० केजी उचालिन्। यस्तै कविताले स्नाचमा ४२ र क्लिनमा ५६ केजी गरि कुलमा ९८ केजी भार बहन गरिन् । यस्तै ६३ केजीको सिनियर तर्फ सेनाकी सारदा चौधरीले स्वर्ण पाईन् । एकल प्रतिस्पर्धामा उनले स्नाचमा ६० र क्लिनमा ६५ केजी गरि कुल १२५ केजी भार बहन गरिन्।
_x000D_
_x000D_
महिला ६९ केजीमा नेपाल प्रहरीकी राज लक्ष्मी थापाले स्वर्ण हात पारिन्। स्नाचमा ६७ केजी र क्लिनमा ८६ केजीका साथ उनले कुलमा १५३ केजी भार बहन गरिन्। यस्तै पुलिसकै जानकी बुढाले १२४ केजीका साथ रजत पाईन् । उनले स्नाचमा ५६ र क्लिनमा ६८ केजी उचालिन्। यसै विधाको जुनियर तर्फ चितवनकी पुजा कुमालले स्वर्ण पाईन्। उनले स्नाचमा ४० र क्लिनमा ४५ केजी गरि कुलमा ८५ केजी उचालिन्।
_x000D_
_x000D_
७५ केजी तौलमा पुलिसकी लक्ष्मी बनले स्वर्ण र सेनाकी मन कुमारी कुमालले रजत पाए। बनले स्नाचमा ६० र क्लिनमा ७८ गरि कुलमा १३८ केजी तथा कुमालले स्नाचमा ५७ केजी र क्लिनमा ७६ केजी गरि १३३ केजी भार बहन गरे।
_x000D_
_x000D_
पुरुष ५६ केजी तौलमा नेपाली सेनाका तुलाराम महतोले सेनाकै सन्तोष थपलियालाई पछि पार्दै स्वर्ण हात पारे। महतोले स्नाचमा ८७ केजी र क्लिनमा १०० केजी गरि कुल १८७ केजी भार बहन गरे। दोश्रो भएका थपलियाले १६१ केजी भार उचाले। उनले क्लिनमा ६८ र स्नाचमा ९३ केजी भार बहन गरे। तेश्रो स्थानमा एपिएफका चक्रमान प्रधान रहे। उनले स्नाचमा ५० र क्लिनमा ५२ केजी गरि १०२ केजी उचाले। जुनियर तर्फ एपिएफका लालबाबु पासवानले स्वर्ण हात पारे। पासवानले स्नाचमा ७६ केजी र क्लिनमा ९० केजी गरि १६६ केजी उचाले।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
