इन्डोनेसिया– इन्डोनेसियाको सुलावेसी टापुमा गत शुक्रबार आएको शक्तिशाली भूकम्पपछि गएको पहिरोमा परि डुबेको एक चर्चबाट दर्जनौँ विद्यार्थीको शव निकालिएको छ।
_x000D_
_x000D_
पहिरोबाट प्रभावित यस चर्चमा फसेका विद्यार्थीहरुको खोजीकार्य व्यापक रुपमा जारी राखिएको थियो। सो कुराको जानकारी यहाँस्थित रेडक्रसले दिएको छ।
_x000D_
_x000D_
इन्डोनेसियाको रेडक्रसका प्रवक्ता आउलिया एर्रिआनीले सो चर्चको भग्नावशेषबाट करिब ३४ जना विद्यार्थीको शव निकालिएको बताए। भूकम्पपछि गएको पहिरोले प्रभावित यस चर्चमा ८६ विद्यार्थी वेपत्ता भएका छन्।
_x000D_
_x000D_
इन्डोनेसियामा गत शुक्रबार आएको भूकम्प र त्यसपछिको सुनामीबाट प्रभावितमध्ये करिब २ लाख व्यक्तिलाई तत्काल सहयोगको आवश्यकता रहेको पनि एक समाचारमा जनाइएको छ। प्रभावितमध्ये ४६ हजार जना बालबालिका रहेका छन् भने अरु १४ हजार वृद्धवृद्धा रहेका छन्।
_x000D_
_x000D_
इन्डोनेसियाको तटीय सहर पालुमा शुक्रबार ७ दशमलव ५ म्याग्निच्यूडको शक्तिशाली भूकम्पबाट १ हजार २ सय ३४ व्यक्तिको मृत्यु भइसकेको छ। इन्डोनेसियामा गएको भूकम्पको कारण तटीय क्षेत्रमा रहेको पालु शहर बढी प्रभावित भएको छ।
_x000D_
_x000D_
यसैवर्ष लोम्बोकमा गएको शक्तिशाली भूकम्पमा परी ५ सय ५० भन्दाबढी व्यक्तिको मृत्यु भएको थियो। इन्डोनेसियामा डिसेम्बर २००४ मा गएको ९ दशमलव १ म्याग्निच्युडको भूकम्प र सुनामीका कारण एक लाख ६० हजारभन्दा बढीको मृत्यु भएको थियो। (रासस /एएफपी)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762935254.png)
