पाइलटको रिपोर्ट लत्याउँदै चिनियाँ ‘वाई–१२’ विमानको दुर्गममा परीक्षण उडान

पर्यटन-उड्डयन

उत्तम काप्री शनिबार, असोज १३, २०७५ ००:२६

काठमाडौं– राष्ट्रिय ध्वजाबाहक नेपाल एयरलाइन्सले चिनियाँ विमान उडान मूल्यांकन कमिटिले दिएको रिपोर्ट विपरित प्रचारको लागि चिनियाँ ‘वाई–१२’ विमानको दुर्गम क्षेत्रमा परीक्षण गरेको तथ्य खुलेको छ।

_x000D_ _x000D_

नेपाल वायु सेवा निगममा कार्यकारी अध्यक्ष भएर आएका मदन खरेलले प्रचारका लागि विना अध्ययन हतारमा परीक्षण उडान गर्दै सफल भएको सूचना प्रचारप्रसार गरेका छन्।

_x000D_ _x000D_

चीन र नेपाल सरकारबीच २०७० मंसिरमा दुर्गम क्षेत्रका विमानस्थलमा हवाई सेवा विस्तारका लागि भन्दै खरिद गरिएका विमान सोहीअनुरुपनै सेवा दिन परीक्षण उडान थालेको खरलेको तर्क छ। तर, सन् २०१५ मा नेवानिकै क्याप्टेन गोपाल सिंह विष्टको संयोजकत्वमा गठन भएको समितिले चिनियाँ ‘वाई–१२’ विमानमार्फत दुर्गममा उडान सहजता नभएको रिपोर्ट मन्त्रालयमा पेस गरेको थियो।

_x000D_ _x000D_

सो रिपोर्टलाई लत्याउँदै नेवानिले गत मंगलबार लुक्ला र बुधबार हुम्लाको सिमिकोट, डोल्पाको जुफाल, मुगुको रारास्थित ताल्चा र जुम्ला विमानस्थलमा सफल परीक्षण उडान गरेको हो। तर, परीक्षण उडानमा कति यात्रु सवार थिए र कति लोडसहित गरिएको भने खुलाइएको छैन। नेवानिले मात्रै चालक दलका सदस्यसहित प्राविधक रहेको जनाएको थियो।

_x000D_ _x000D_

यता सिंहको रिपोर्टमा ‘वाई–१२’ विमानको ‘पे लोड पर्फर्मेन्स’ मुल्यांकन कमिटीले दिएको रिपोर्ट बमोजिम तापक्रम ० डिग्रीदेखि ३० डिग्रीसम्म तलमाथि हुँदा यात्रु संख्या थपघट गर्नुपर्ने उल्लेख छ। रिपोर्टमा नेपालगञ्जबाट डोल्पा जाँदा १३ जना यात्रु लिएर जानसक्ने र फर्किंदा भने अधिकतम ९ जना मात्रै यात्रु बोक्नसक्ने उल्लेख छ। त्यसमा पनि तापक्रम २० डिग्रीमा आइपुग्दा भने यात्रु एक जनापनि बोक्न नस्कने जनाइएको छ।

_x000D_ _x000D_

यसैगरी, नेपालगञ्जबाट सिमिकोट जाँदा १२ जना र फर्किंदा ७ देखि १५ यात्रु ल्याउन सक्छ। तर, ३० डिग्री तापक्रम पुग्दा भने ७ जना यात्रु लिएर आउनुपर्ने अवस्था हुने रिपोर्टमा उल्लेख छ।

_x000D_ _x000D_

रिपोर्टमा काठमाडौंबाट लुक्ला जाँदा १३ र फर्किंदा १६ जना यात्रु ल्याउन सक्ने जनाइएको छ। उता पोखराबाट जोमसोम जाँदा १४ र फर्किंदा ३ देखि १६ (३० डिग्री पुगेपछि ३ जना) मात्रै यात्रु ल्याउन सक्ने उल्लेख छ। यसैगरी विमानले नेपालगञ्जदेखि ताल्चा जाँदा १७ जना र फर्किंदा ९ देखि १७ जना यात्रु (३० डिग्री पुग्दा ९ जना मात्र) बोक्न सक्नेछ।

_x000D_ _x000D_

नेपालगञ्जबाट जुम्ला जाँदाको हकमा भने १७ जाँदा र फर्किंदा ७ देखि १७ (३० डिग्री पुग्दा ७ जना मात्र बोक्न सक्ने) जना मात्रै सवार हुनसक्ने सिंहले दिएको रिपोर्टमा जनाइएको छ।

_x000D_ _x000D_

तर, नेवानिले विमान अपरेसन खर्च पनि नउठ्ने र विमान भाडामा दिने तयारी गरिरहेको बेला झन्डै ८ करोड रुपैयाँ खर्च गरेर ‘वाई–१२’ को दुर्गममा परीक्षण उडान गरेको निगम स्रोतले बताएको छ। चिनियाँ जहाज खरिदमा नेपालको ६ अर्ब रुपैयाँ समेत खर्च भएको छ। त्यसमा पनि चिनियाँ जहाज उडानमा अहिले वार्षिक ३५ करोडभन्दा बढी घाटा छ।

_x000D_ _x000D_

यस्तो अवस्थामा परीक्षण उडानले ‘के प्रमाणित गर्न खोजेको? कि उद्घाटन उडान गरिएको हो? हवाई सुरक्षालाई बेवास्ता गरी बढी यात्रु बोक्न टेस्ट गरेको हो कि? टेस्ट फ्लाइट सफल भएको भन्नुको अर्थ दुर्घटना भएन भन्न खोजेको हो कि के हो? बढी लोड बोक्दा जहाज दुर्घटना भएको अवस्थामा त्यसको जिम्मेवार को हुने?’ जस्ता प्रश्न खडा भएको स्रोतको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।