काठमाडौं – निरन्तर तापक्रम घटेपछि देशैभर जाडो बढेको छ।
जुम्ला, जोमसोम र जिरीको तापक्रम यसअघि नै माइनसमा पुगेको छ। जुम्लामा सबैभन्दा कम-७ मा झरेको छ।
शुक्रबार काठमाडौंको न्युनतम तापक्रम ३.१ डिग्री सेल्सियस मापन भएकोमा आज बिहान २.५ डिग्री सेल्सियस मापन गरिएको छ। अघिल्लो साता ७ डिग्री सेल्सियस वरिपरि रहेको न्यूनतम तापक्रम केही दिनमै २ डिग्री सेल्सियस नजिक पुगेको हो।
मंसिर सकिनै लाग्दा तराई र उपत्यकामा हुस्सु र कुहिरो पनि लागेको छ। त्यसले गर्दा पनि जाडो बढेको छ।
मौसम पूर्वानुमान महाशाखाका अनुसार शनिबार र आइतबार देशभर सामान्यतया मौसम सफा रहनेछ। तर, तापक्रममा भने गिरावट आउन सक्छ। सोमबार भने उच्च पहाडी र हिमाली भेगमा हिमपातको सम्भावना भएको जाडो अझै बढ्ने अनुमान छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1700407943.jpg)
