काठमाडौं- प्रधानमन्त्री केपी शर्मा ओलीले वार्ताले मतभेद र निर्वाचनले युद्धलाई समाप्त गर्ने बताएका छन्। संयुक्त राष्ट्रसंघको ७३औँ महासभालाई सम्बोधन गर्दै प्रधानमन्त्री ओलीले उक्त कुरा बताएका हुन्।
_x000D_
_x000D_
नेपालले बिम्स्टेक सम्मेलन सफलताका साथ आयोजना गरेको र सार्क पुनःसञ्चालन गर्न लागिपरेको उनले सम्बोधनका क्रममा बताए। लोकतान्त्रिक संक्रमणकालमा सिकेको कठिन पाठले नेपाल एक आत्मविश्वासी राष्ट्र भएको र अबको लक्ष्य नै आर्थिक प्रगति हुने उनले दाबी गरे।
_x000D_
_x000D_
नेपालको शान्ति प्रक्रियामा राष्ट्रसंघ लगायत अन्तर्राष्ट्रिय समुदायले पुर्याएको सहयोगको सराहना गर्दै प्रधानमन्त्री ओलीले अब नेपाल स्थायित्व सहितको राजनीतिक प्रक्रियामा प्रवेश गरेको र विकास समृद्धि नै आफ्नो सरकारको लक्ष्य रहेको बताए।
_x000D_
_x000D_
‘नेपालले सामना गरेको विनाशकारी भूकम्पबाट माथि उठेर राजनीतिक पार्टीले सात दशक लामो प्रतीक्षापछि जनताले निर्माण गरेको संविधान घोषणा गरेको छ। नेपालको संविधानले प्रजातान्त्रिक मूल्य मान्यतालाई मात्रै प्रश्रय दिएको छैन,’ प्रधानमन्त्री ओलीले थप भने, ‘त्यसले जनतालाई अविच्छिन्न नागरिक अधिकार र स्वतन्त्रताको प्रत्याभूत पनि गराएको छ। संविधानले सबै वर्ग, धर्म, सम्प्रदाय, पिछडिएका अल्पसंख्यक जनजाति र सीमान्तकृत वर्गलाई उचित प्रतिनिधित्व गर्छ।’
_x000D_
_x000D_
महासभालाई सम्बोधन गर्दै प्रधानमन्त्री ओलीले आफू बुद्धको जन्मभूमि र सगरमाथाको देशको प्रतिनिधित्व गर्दै आएको र आफ्नै देशको अनुभवका आधारमा वार्ताबाटै शान्ति स्थापना गर्न सकिने विश्वास व्यक्त गरेका छन्। नेपालको संविधान कार्यान्वयन अप्ठेरो काम रहेको स्वीकार्दै ओलीले स्थानीय, संघीय र केन्द्रीय तहको निर्वाचनले संविधान कार्यान्वयन पूर्ण रुपमा भएको बताएका छन्। निर्वाचनमा ४१ प्रतिशत महिला निर्वाचित भएकोमा खुसी व्यक्त गर्दै प्रधानमन्त्री ओलीले महिलाको समान प्रतिनिधित्व गराउन आवश्यक ९ प्रतिशतको खाली ठाउँ पुर्न सरकार लागिपर्ने ओलीले बताएका छन्।
_x000D_
_x000D_
नेपालले शान्ति प्रक्रियमा प्राप्त गरेको सफलताले अन्तर्राष्ट्रिय समुदायलाई सहयोग प्रदान गर्न सक्ने बताउँदै उनले नेपाल आफ्नो अनुभव सुनाउन तयार रहेको बताए। नेपालसँग रहेको मानव संशाधन र प्राकृतिक स्रोतको अधिकतम प्रयोग र अन्तर्राष्ट्रिय समुदायको साथ सहयोगमा नेपाल विकासको गतिमा अघि बढ्न चाहेको ओलीले बताएका छन्।
_x000D_
_x000D_
विश्वमा हाल मौसम र जलवायु परिवर्तन, आतंकवाद, गरिबी, खाद्य असुरक्षा, प्राकृतिक प्रकोप, अन्तरदेशीय द्वन्द्व लगायत विविध समस्या देखापरेको भन्दै प्रधानमन्त्री ओलीले यी समस्याको सामना गर्न सबै देश एकजुट हुनुपर्ने धारणा राखेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
