काठमाडौं– इटालियन क्लब युभेन्ट्सका फरवार्ड क्रिस्टियानो रोनाल्डोले युरोपियन च्याम्पियन्स लिगअन्तर्गत एक खेल मात्र प्रतिबन्ध झेल्नु पर्ने भएको छ।
_x000D_
_x000D_
गत साता युरोपियन च्याम्पियन्स लिग अन्तर्गत भ्यालेन्सियाबिरुद्धको खेलमा अभद्र व्यवहारका कारण रातो कार्ड पाएका रोनाल्डोलाई एक खेलमा मात्र प्रतिबन्ध लगाउने युरोपियन फुटबल महासंघले जनाएको छ।
_x000D_
_x000D_
अब रोनाल्डोले आफ्नो पूर्व क्लब म्यानचेस्टर युनाइटेड विरुद्ध खेल्न पाउने पक्का भएको छ। च्याम्पियन लिगअन्तर्गत युभेन्ट्स र म्यानचेस्टर बीच आगामी २३ अक्टोबरमा वर्ल्ड ट्राफोडमा खेल हुँदैछ।
_x000D_
_x000D_
अभद्र व्यवहारका कारण उनलाई तीन खेलको प्रतिबन्ध लाग्ने सक्ने बताइएको थियो। तर युइएफएले एक खेल भन्दा बढी प्रतिबन्ध लगाउनु पर्ने पर्याप्त कारण नभएको बताएको हो। रोनाल्डोले २ अक्टोबरमा स्विस क्लब योङ्ग ब्वाइवबिरुद्धको खेल भने गुमाउनेछन्।
_x000D_
_x000D_
अघिल्लो बुधबार रोनाल्डोले भ्यालेन्सियाबिद्धको खेलमा रातो कार्ड पाएका थिए। युभेन्ट्सका लागि च्याम्पियन्स लिगमा डेब्यू गरेका रोनाल्डो खेलको २९ मिनेटमा सिधा रातो कार्ड पाउँदै मैदान छाड्न बाध्य भएका थिए। खेलका दौरान रोनाल्डोले भ्यालेन्सियाका डिफेन्डर जेइसन मुरिलोको कपाल तानेपछि रेफ्रीले सिधा रातो कार्ड देखाएका थिए।
_x000D_
_x000D_
३३ वर्षीय रोनाल्डो म्याड्रिडबाट ९९.२ मिलियन पाउन्ड (१४ अर्ब ४३ करोड रुपैयाँ) मा युभेन्ट्समा ४ वर्षका लागि आबद्ध भएका थिए। रोनाल्डोले रियलबाट ४ सय ३८ खेलमा ४ सय ५० गोल गरेका थिए। रियलका लागि उनले च्याम्पियन्स लिगमा १ सय ५ गोल गरेर कीर्तिमान बनाएका थिए। ला लिगमा भने उनले ३ सय ११ गोल गरे। रियलका लागि उनले १६ उपाधि जिते। उनले रियलका लागि ४४ ह्याट्रिक गरे भने ला लिगामा ३४ ह्याट्रिक गरेका थिए।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।