काठमाडौं– एसिसी एसिया कप एकदिवसीय क्रिकेट प्रतियोगिताको सुपर–४ को प्रतिस्पर्धामा अफगानिस्तानले भारतसँग रोमाञ्चक बराबरी खेलेको छ। मंगलबार राति भएको खेलमा अफगानिस्तानले पहिले ब्याटिङ गर्दै ८ विकेटको क्षतिमा २ सय ५२ रन जोडेको थियो। जवाफी ब्याटिङ गरेको भारत अन्तिम बल खेल्न बाँकी छदा २ सय ५२ रनमै अलआउट भयो।
_x000D_
_x000D_
अन्तिम ओभरमा जितका लागि ७ रन चाहिएको थियो भने १ विकेट मात्र बाँकी थियो। ब्याटिङ रवीन्द्र जडेजा र खलिल अहमेद थिए। अफगानिस्तानका रसिद खानले पहिलो बलमा कुनै रन दिएनन्। दोस्रो बलमा जडेजाले चौका प्रहार गर्दै भारतलाई जित नजिक पुर्याएका थिए। त्यसपछि जडेजाले १ रन लिएका थिए। चौथो बलमा खलिलले १ रन लिए र दुवै टिमको स्कोर बरारबी भयो। पाँचौ बलमा जडेजा २५ रनमा आउट हुँदा खेल बराबरीमा सकियो।
_x000D_
_x000D_
४९ ओभरमा भारतले २ विकेट गुमाउँदा अफगानिस्तान खेलमा हाबी भएको थियो। ४९ ओभरमा कुलदीप यादव र सिद्धार्थ कौल रनआउट भएका थिए। भारतका लागि ओपनिङमा आउका लोकेश राहुलले ६० रन जोडे भने अम्बादी रायादुले ५७ रन बटुले । दिनेश कार्तिक ४४ रनमा आउट भएपछि भारतका अन्य ब्याट्सम्यान चलेनन्। बलिङमा अफगानिस्तानका अफ्ताब आलाम, मोहमद नाबी र रसिद खानले २–२ विकेट लिए।
_x000D_
_x000D_
त्यसअघि अफगानिस्तानका लागि ओपनर मोहमद शाहजादले १ सय २४ रन बटुले। उनले १ सय १६ बलमा ११ चौका र ७ छक्का प्रहार गरेका थिए। मोहमद नाबीले ५६ बलमा ६४ रनको योगदान दिए। बलिङमा भारतका जडेजाले ३ र कुलदीप यादवले २ विकेट लिए।
_x000D_
_x000D_
भारत प्रतियोगिताको फाइनलमा पुगिसकेको छ। अब पाकिस्तान र बंगलादेश मध्ये एक टिम फाइनलमा पुग्नेछ। दुई टिमबीच बुधबार खेल हुँदैछ।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
