एजेन्सी– स्पान्योललाई पराजित गर्दै रियल म्याड्रिड स्पेनिस लिग फुटबल लालिगाको शिर्ष स्थानमा उक्लिएको छ। गएराति भएको खेलमा ग्यारेथ बेलकाे सट्टामा खेलेका विन्गर मार्को असेन्सिओले गरेको एक मात्र निर्णायक गोलको मदतले रियल विजयी भएको हो।
_x000D_
_x000D_
पहिलो हाफको ४१ मिनेटमा असेन्सिओले गरेको प्रहारलाई भिडियो एसिस्टेन्ट रेफ्री (भिएर)ले गोलको मान्यता दिएपछि रियलका लागि जीतको बाटो खुलेको थियो।
_x000D_
_x000D_
घरेलु मैदान बर्नबाओमा भएको खेलमा लुका मोड्रिकको प्रहार गोलपोष्टमा लागेर फर्किएपछि रिवाउन्ड बललाई असेन्सिओले जाली चुमाउँदै रियललाई अग्रता दिलाएका थिए। तर, भिएरको सहयोगमा असेन्सिओकाे स्थानलाई अनसाइडकाे मान्यता दिन भने रेफ्रीले लामो समय लगाएका थिए। असेन्सियोले लालिगाको २०१५/१६ सिजनमा स्पान्योलबाटै लोनमा खेलेका थिए।
_x000D_
_x000D_
_x000D_
_x000D_
खेलमा ६५ प्रतिशत बल आफ्नो पक्षमा पारेपनि रियलले गोल थप्न सकेन।
_x000D_
_x000D_
गएराति नै भएका अन्य खेलहरुमा एथ्लेटिको मड्रिडले गेटाफेलाई २–०, अल्भेसले रायो भालेकानोलाई ५–१, तथा एइवरले लेगानेसलाई १–० ले पाखा लगाए। सेल्टाभिगो र रियल भालाडोलिडबीचको खेल भने ३–३ गोलको बराबरीमा सकियो।
_x000D_
_x000D_
अंकतालिकामा १३ अंकसहित रियाल पहिलो स्थानमा रहँदा १ अंक मात्रै पछि रहेको बार्सिलोना दोस्रो तथा १० अंकसहित अल्भेस तेस्रो स्थानमा छन्।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
