विराटनगर- चार दिनदेखि सार्वजनिक यातायात बन्द हुँदा पूर्वी जिल्लाको जनजीवन कष्टकर बनेको छ। विश्वकर्मा पूजाका दिन (असोज १ गते) देखि बन्द भएका यातायातका साधन २ गतेदेखि चालकको अनिश्चितकालीन हड्तालका गरेका कारण अहिलेसम्म सञ्चालनमा आएका छैनन्।
_x000D_
_x000D_
यातायात नचल्दा सप्तरी, सिरहा, उदयपुर, सुनसरी, मोरङ्ग, झापालगायत पूर्वका जिल्लामा सर्वसाधारण अलपत्र परेका छन्। सप्तरीको सप्तकोशी नगरपालिकाबाट मोरङको उर्लाबारी जान लगातार तीन दिनदेखि प्रयास गर्दा पनि घरमै थन्किएर बस्नु स्थानीय नवराज पराजुलीले बताए। ‘लिफ्ट मागेर कञ्चनपुरसम्म त गईयो’ उनले भने– ‘राजमार्ग समेत सुनसान रहेपछि १५ किलोमिटर हिडेरै घर फर्किनु पर्यो।’
_x000D_
_x000D_
सदरमुकाम राजविराजदेखि राजमार्गका हरेक गाडी आउने प्रतीक्षामा यात्रुहरु दिनभर कुरेर बसेन पनि बेलुका निराश भई फर्कने गरेको कञ्चनरुप नगरपालिकाका उत्तम आचार्य बताउँछन्।
_x000D_
_x000D_
_x000D_
_x000D_
यातायात नचल्दा सबैभन्दा बढि बिरामीलाई सास्ती भएको छ। गाउँघरमा चल्ने गरेका इ–रिक्सालाई महंगो भाडा तिरेर बाहिर उपचारका लागि बिरामी लानु पर्ने अवस्था छ।
_x000D_
_x000D_
दुर्घटनामा यात्रुको मृत्यु हुँदा चालकले १० वर्ष जेल बस्नु पर्ने ऐन बनाएका कारण आफूहरु आन्दोलनमा उत्रनु परेको चालकहरुको भनाई छ। चालकको हड्तालमा यातायात स्वतन्त्र मजदुर संगठन समेतले समर्थन जनाएपछि सप्तरीमा सार्वजनिक यातायातका कुनै पनि साधन चलेका छैनन्।
_x000D_
_x000D_
संगठनका राजविराज नगर अध्यक्ष भोला प्रसाद यादवले ऐन संशोधन नभएसम्म आन्दोलन जारी रहने बताए। उनले भने ‘आन्दोलन हाम्रो रहर होईन बाध्यता हो, सरकारले ऐन संशोधन नगरेसम्म हामी पछि हट्नेवाला छैनौं।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
