काठमाडौं- प्रतिनिधि सभाका १० विषयगत समितिको सभापतिबम लागि बिहिबार उम्मेदवारी दर्ता हुँदैछ। शुक्रबार निर्वाचन मार्फत दश वटै समितका सभापतियको चयन हुने कार्यक्रम छ। प्रतिनिधि सभाका १० विषयगत समितिमध्ये ८ वटा समितिमा नेपाल कम्युनिस्ट पार्टी (नेकपा)को दाबी रहेको छ भने नेपाली काँग्रेस र संघीय समाजवादी फोरमले एक–वटा समितिको सभापति पाउने भएका छन्।
_x000D_
_x000D_
सरकराको सहयात्रीे संघीय समाजवादीले उद्योग, वाणिज्य तथा श्रम समितिको सभापति पाउने सहमति भएको छ भने नेपाली कांग्रेसले लेखा समितिको नेतृत्व पाउने छ। श्रम समितिको सभापतिमा विमल श्रीवास्तवलाई बनाउने तयारी संघीय समाजवादीको छ। लेखा समितिमा नेपाली काँग्रेसले भरतकुमार साहलाई उम्मेवार बनाउने पक्कापक्की जस्तै भएको छ।
_x000D_
_x000D_
यसअघि तीन पटकसम्म रोकिएको समिति सभापति चयन कार्यक्रम शुक्रबार हुँदैछ। हाल ज्येष्ठ सदस्यको नेतृत्वका भरमा चलेका समितिमा सभापति बन्न पहिलो पटक निर्वाचन जितेका युवादेखि पूर्वमन्त्रीसम्म लबिङमा छन्।
_x000D_
_x000D_
यस्ता छन् समितिका दाबेदार
_x000D_
अर्थ समिति
_x000D_
२५ सांसद रहेको अर्थ समितिमा नेकपा र नेपाली कांग्रेसका शीर्ष नेता सदस्य छन्। उक्त समितिमा कांग्रेस महामन्त्री डा शशांक कोइराला, नेता विजयकुमार गच्छदार, पूर्व अर्थमन्त्री ज्ञानेन्द्रबहादुर कार्की, नेकपा महासचिव विष्णु पौडेल र पूर्व अर्थमन्त्री सुरेन्द्र पाण्डेलगायत सदस्य छन्। अर्थ मन्त्रालय लगायतका विभिन्न वित्तीय निकायमा हुने आर्थिक गतिविधिबारे समितिको क्षेत्राधिकार हो।
_x000D_
_x000D_
समितिका सभापतिमा नेकपाका सांसद कृष्णप्रसाद दाहालले उम्मेदवारी दिने सहमति पार्टीभित्र भएको छ। यसअिघ उक्त समितिको सभापतिमा महेश बस्नेतले दाबी गरेका थिए। तर उनलाई उक्त समितिवाट अन्यत्र सारिएको छ। प्रधानमन्त्री केपी शर्मा ओली निकट मानिएकाले उक्त समितिमा उनले नेतृत्व हात पार्ने चर्चा रहेको थियो।
_x000D_
_x000D_
अन्तराष्ट्रिय सम्बन्ध समिति
_x000D_
प्रतिनिधिसभाको विषयगत समितिमध्ये अर्को महत्वपूर्ण हो अन्तर्राष्ट्रिय सम्बन्ध समिति। यसले परराष्ट्र मन्त्रालय र अन्तर्राष्ट्रिय सम्बन्धका विषयमा हेर्नेछ। उक्त समितिमा पनि पूर्व प्रधानमन्त्री तथा नेकपाका नेता माधव नेपाल, अग्नि सापकोटा, भीम रावल र कांग्रेसका नेता प्रदीप गिरिसहित २५ सदस्य छन्। समितिको नेतृत्वका पवित्रा निरौला खरेल हुने देखिएको छ। उक्त समितिको सभापतिमा मोहन बानियाँ र नारदमुनि राना प्रतिस्पर्धामा देखिएका थिए । तर पार्टीले महिलाहरुलाई प्राथमिकता दिने भनेपछि उनीहरु बाहिरिने देखिन्छ।
_x000D_
_x000D_
कानुन न्याय तथा मानव अधिकार
_x000D_
कानुन तथा न्यायको विषय हेर्ने अर्को समितिको नेतृत्वको दौडमा नेकपाका केही सांसद भएपनि एक मात्र दाबेदार कृष्णभक्त पोखरेल देखिएका छन्। कानुनमन्त्री हुने हल्लाका बीच उनी मानव अधिकार समितिको सभापति हुने निश्चित रहेको नेकपा स्रोतले जनाएको छ। कानुन पृष्ठभूमिका उनी मानव अधिकारका समेत जानकार भएकाले उक्त समितिको नेतृत्व पाउने देखिन्छ। उक्त समितिमा पूर्व सभामुख सुवास नेम्बाङ, नेकपाका प्रमुख सचेतक देव गुरुङ र राजपाका नेता लक्ष्मणलाल कर्णसहित २३ जना सदस्य छन्।
_x000D_
_x000D_
कृषि, सहकारी तथा प्राकृतिक स्रोत समिति
_x000D_
कृषि, सहकारी र प्राकृतिक स्रोतको क्षेत्राधिकारका सम्बन्धमा आगामी दिनमा विवाद हुने भएकाले उक्त समितिको सभापति योग्य व्यक्तिलाई बनाउने पर्ने लबिङ नेकपाभित्रै सुरु भएको छ। उक्त समितिको सभापतिमा पूर्णकुमारी सुवेदीको नाम अग्रपंक्तिमा छ। समितिको सभापतिका लागि सांसदहरू भूमिप्रसाद त्रिपाठी, छविलाल विश्वकर्मा र दलबहादुर रानाले पनि दाबी गरेका थिए।
_x000D_
_x000D_
पूर्वसभामुख ओनसरी घर्ती, सचेतक शान्ता चौधरी र नेपाली कांग्रेसकी कोषाध्यक्ष सीतादेवी यादवसहित २५ सदस्य रहेको समितिमा तीन जना नेकपाका सांसदले आफ्नो पक्षमा लबिङ सुरु गरेका छन्।
_x000D_
_x000D_
महिला तथा सामाजिक समिति
_x000D_
महिला तथा सामाजिक समितिको सभापतिमा समानुपातिकबाट सांसद भएकी निरुदेवि पालले पाउने देखिएको छ। केपी ओली निकट रहेकी पाललाई सभापति दिने अमृता थापा मगरलाई अर्को समितिमा सारिएको छ। समितिको सभापतिमा दोलखाबाट सर्वाधिक मतान्तरमा निर्वाचन जितेका पार्वत गुरुङले पनि दाबी गरेका थिए। २४ सदस्य रहने समितिमा केपी शर्मा ओली निकट पालले पाउने देखिएको छ।
_x000D_
_x000D_
राज्य व्यवस्था तथा सुशासन समिति
_x000D_
संसदको महत्वपूर्ण मानिने अर्को समिति राज्य व्यवस्था तथा सुशासन समितिको नेतृत्व गर्ने चासो धेरै सांसदले देखाएका थिए। तर सांसद शशि श्रेष्ठलाई सभापति बनाउने तयारी सरकारले गरेको छ। उक्त समितिको सभापतिका रुपमा नेकपा सांसद कृष्णगोपाल श्रेष्ठ र पम्फा भुसाल पनि चर्चामा रहेका थिए।
_x000D_
_x000D_
नेकपाका अध्यक्ष तथा पूर्वप्रधानमन्त्री पुष्पकमल दाहाल, कांग्रेस सांसद विनोदकुमार चौधरी, राजपाका अध्यक्षद्वय राजेन्द्र महतो र राजकिशोर यादवसहित २६ जना सांसद उक्त समितिको सदस्य छन्।
_x000D_
_x000D_
विकास तथा प्रविधि समिति
_x000D_
विकास गतिविधि अनुमगन गर्ने क्षेत्राधिकार पाएको विकास तथा प्रविधि समितिको नेतृत्वका लागि प्रभु साह, यज्ञराज सुनार र लीलानाथ श्रेष्ठको नाम चर्चामा रहे पनि कल्याणीकुमारी खड्काले पाउने देखिएको छ। पूर्वप्रधानमन्त्री शेरबहादुर देउवा र झलनाथ खनाल तथा राजपाका अध्यक्ष अनिलकुमार झा र राप्रपाका एक मात्र सांसद राजेन्द्र लिङंदेनसहित २६ जना उक्त समितिमा सदस्य छन्।
_x000D_
_x000D_
शिक्षा तथा स्वास्थ्य समिति
_x000D_
बहुचर्चित चिकित्सा शिक्षा विधेयक रहेको शिक्षा तथा स्वास्थ्य समितिको सभापतिमा नेकपाका तीन युवा सांसदले दाबी गरेका छन्। उक्त समितिको सभापति जयपुरी धर्तीले पाउने देखिएको छ। समितिको सभापतिमा प्रतिस्पर्धीका रुपमा रेखा कुमारी, नवीना लामा र खगराज अधिकारी रहेका थिए।
_x000D_
_x000D_
पूर्व स्वास्थ्य र शिक्षामन्त्री समेत रहेका सांसद सदस्य रहको समितिमा मेडिकल शिक्षासम्बन्धी पेचिलो मुद्दा भएकाले आफूले भनेको मान्ने व्यक्तिलाई सभापति बनाउने दाउमा प्रधानमन्त्री ओली छन्।
_x000D_
_x000D_
पूर्व स्वास्थ्यमन्त्री गगन थापा, पूर्व स्वास्थ्य राज्यमन्त्री उमाकान्त चौधरी, पूर्व शिक्षामन्त्री चित्रलेखा यादव र सांसद योगेश भट्टराईसहित २४ जना उक्त समितिमा सदस्य छन्।
_x000D_
_x000D_
सार्वजनिक लेखा समिति
_x000D_
सार्वजनिक निकाय र सरकारले गरेका अनियमितता हेर्ने अधिकार पाएको लेखा समिति प्रमुख प्रतिपक्षी दललाई दिने प्रचलन छ। यस पटक कांग्रेसले उक्त समितिको सभापति पाउने भएको छ।
_x000D_
_x000D_
एक मात्र समितिको नेतृत्व पाउन लागेकोले उक्त समितिको सभापतिका लागि कांग्रेसभित्र प्रतिस्पर्धा छ। समितिमा पूर्व सञ्चारमन्त्री मीनेन्द्र रिजालले पनि दाबी गरेका छन्। अहिलेसम्म कम अवसर पाएको भन्दै सांसद भरतकुमार साहलाई सभापति बनाउने निर्णय पार्टीले गरेको छ। उक्त समितिमा सांसद हृदयेश त्रिपाठी, शरदसिंह भण्डारी, लेखराज भट्ट र धर्मशीला चापागाईंसहित २७ जना सदस्य छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
