काठमाडौं- प्रतिनिधिसभाकी सांसद इन्दुकुमारी शर्माले अहिलेको समय महिलाका लागि आफ्नो अस्मिताको रक्षा गर्नु चुनौतीपूर्ण भएको बताएकी छन्।
_x000D_
_x000D_
सत्ता पक्षकै सांसद शर्माले प्रतिनिधिसभाको शून्य बोल्दै समयमा महिला हिंसाका घटनाबारे बोल्न नपरोस् भन्ने चाहना राखे पनि महिला हिंसाका घटना संसदमा सुनाउनु दैनिकी नै बनेको बताइन्। ‘महिला हिंसाका घटनाबारे अब संसदमा बोल्न नपरोस भन्ने सोचेकी थिएँ,’ सांसद शर्माले भनिन्, ‘तर के गर्नु, यस्ता घटना सुनाउने त हाम्रो दैनिकी नै बनिसकेको छ।’
_x000D_
_x000D_
महोत्तरीमा रामएकवाल यादवकी १४ वर्षीया छोरी कविता गत भदौ १२ गते हराएको र १४ गते राम जानकी कुटीस्थित इनारमा मृत फेला परेको घटनाबारे सांसद शर्माले संसदलाई जानकारी गराइन्।कविताको बलात्कारपछि हत्या भएको प्रहरीले जनाए पनि २३ दिन बित्दासमेत हत्यारा पत्ता लागेको छैन। सांसद शर्माले हत्यारालाई तत्काल पत्ता लगाई पीडितलाई न्याय दिन सरकारको गम्भीर ध्यानाकर्षण गराएकी छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
