काठमाडौं- कमल थापा नेतृत्वको राष्ट्रिय प्रजातन्त्र पार्टी नेपालले संगठित र योजनाबद्ध धर्मपरिवर्तनले नेपालको राष्ट्रिय पहिचान संकटमा पारेका कारण नेपाली समाजमा व्यभिचार, भ्रष्टाचार र अनैतिक कार्य वृद्धि भएको ठहर गरेको छ।
_x000D_
_x000D_
असोज २ र ३ गते काठमाडौंमा बसेको केन्द्रीय कार्य समितिको बैठकले यस्तो ठहर गरेको हो।
_x000D_
_x000D_
देश अभिभावकविहीन भएको भन्दै राप्रपाले विदेशीको चलखेल र प्रभाव व्यापक भएको बताएको छ। बिखण्डनकारी तत्वको जन्म हुनुका साथै साम्प्रदायिक भावना बढेर राष्ट्रिय एकतालाई चुनौती दिईरहेको राप्रपाको ठहर छ। लोकतन्त्रको आवरणमा लुटतन्त्र कायम सरकारवाटै भएको राप्रपाको आरोप छ।
_x000D_
_x000D_
सात वटा निर्णय गर्दै राप्रपाले नेपाली नागरिकता भएका तर विदेशमा बस्ने नेपालीलाई आवधिक निर्वाचनमा मताधिकार दिन सर्वोच्च अदालतले सरकारलाई आवश्यक प्रबन्ध गर्न निर्देशन दिएकोमा राप्रपा स्वागत गर्दै मताधिकार जस्तो गम्भीर र संवेदनशील विषयमा कानुन निर्माण गर्दा सर्वपक्षीय सहमति लिन समेत माग गरेको छ।
_x000D_
_x000D_
आफूले सञ्चालन गरिरहेको हिन्दू राष्ट्र पुनर्स्थापना जनजागरण अभियानलाई प्रदेश १ र गण्डकी प्रदेश बाहेक बाँकीप्रदेश र देशभरका ७ सय ५३ वटै स्थानीय तहमा सञ्चालन गर्ने निर्णय गरेको छ। साथै पार्टीको संगठन विभागले आगामी मंसिर भित्र थप पचास हजार नयाँ सक्रिय सदस्यता वितरण गर्ने लक्ष्यलाई अभियानको रुपमा सञ्चालन गर्ने निर्णय उसले गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
