गण्डकी प्रदेशका मुख्यमन्त्री खगराज अधिकारी नियुक्ति विरुद्धको रिट खारेज

राजनीति

नेपाल लाइभ सोमबार, वैशाख १७, २०८१ २०:०४

काठमाडौँ- सर्वोच्च अदालतले गण्डकी प्रदेशका मुख्यमन्त्री खगराज अधिकारीको नियुक्ति विरुद्ध परेको रिट खारेज गरेको छ। सर्वोच्चका न्यायाधीश सपना मल्ल प्रधान र सारंगा सुवेदीको इजलासले सोमबार निवर्तमान मुख्यमन्त्री तथा कांग्रेस संसदीय दलको नेता सुरेन्द्रराज पाण्डेले दर्ता गरेको रिट खारेज गरेको हो।

सर्वोच्चको यो फैसलासँगै मुख्यमन्त्री अधिकारीलाई सरकार विस्तार र विश्वासको मत लिन बाटो खुलेको छ। यो रिटका कारण गण्डकी प्रदेशको सरकार विस्तारमा ढिलासुस्ती भइरहेको थियो।

अधिकारीले सभामुखलाई समेत गणना गरेर मुख्यमन्त्री दाबी पेस गरेका थिए। सोही दाबीका आधारमा अधिकारीलाई प्रदेश प्रमुख डिल्लीराज भट्टले चैत १५ मा मुख्यमन्त्रीमा नियुक्त गरेका थिए।

निवर्तमान मुख्यमन्त्री सुरेन्द्रराज पाण्डेले सो नियुक्ति अवैध भएको जिकिर गर्दै सर्वोच्चमा रिट दायर गरेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अमेरिकामा हवाई दुर्घटनाः कोहि जिवित भेटिएनन्, ६७ जनाको मृत्यु

आजको मौसमः तराईंमा हुस्सु, पहाडी क्षेत्रमा सामान्यतया सफा रहने

संघीय संसद्को हिउँदे अधिवेशन आजदेखि